1.Uea 5:12 - Te B'aib'ara

¹² E kaawakina ana Berita te UEA, ao E karika Toromon b'a te aomata ae e wanawana. A tiaaina te boraraoi Iram ma Toromon b'a e na akea te buaka imarenaia, ao e teimatoa n akea te bubuaka i marenaia.

1.Uea 5:12 ပူးပေါင်းရင်းမြစ်များ

Karikani B'aai 21:32

Ao ngke a tia ni karaoa aia boraraoi i Beerateb'a, ao a oki Abimereka ma Bikora nako Biritia.

1.Uea 15:19

“A tia ni karaoa te boraraoi n raoi tamara. Ao e aera ngkai ti aki katotongiia? Ao aikai taiani b'aintangira nakoim aika koora ma tirewa. Ma ngaia are, ko konaa n urua am boraraoi n raoi ma Baatia b'a e aonga ni kiitana abau?”

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

1.Uea 5:13

Ao e anga ana babaaire Toromon b'a 30,000 mai i aon Iteraera ni kabutaa aika ana korokai i bukin te Tembora,

2.Rongorongo 1:12

Ma ngaia ae, N na kawanawanako man anganiko te ataib'ai. Ma N na bon karikiko naba b'a te aomata ae moan te kaub'ai mani kakannato riki nakoia uea ake mai m'aaim ao akana i mwiim.

Taian Areru 127:1

Ngkana E aki katea te auti te Atua, ao e matebuaka aia m'akuri taani kateitei. Ngkana E aki teiakina te kaawa te Atua, ao e matebuaka aia tei taan tantani.

Taeka n Rabakau 1:1

Aikai ana taeka n rabakau te Uea are Toromon are mai Iteraera, are natin Tawita te m'aane.

Te Minita 12:9

Bon te tia reirei ngai ae I rangi n ataib'ai, ao I bobooti taeka n rabakau aika a m'aiti aika I a tia ni manga rinanoi.

Ana Anene Toromon 1:1

Bon aei ana anene Toromon ae e rangi n tamaroa.

Amota 1:9

E taku te UEA “A teimatoa ni kakaraoa te bure kain Turo, ao N na bon katuaaia i bukin aei. A uotiia nako botannaomata nakon te kataenikaiaki nako abaia I-Etom, ao aki kawakina te berita n iraorao are a tia ni karaoia i marenaia.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.