1.Uea 4:29 - Te B'aib'ara

²⁹ E wanawana Toromon. E kakab'aia te Atua n anganna te rabakau ma te ataib'ai.

1.Uea 4:29 ပူးပေါင်းရင်းမြစ်များ

Karikani B'aai 41:49

Ao e a katoka warekan te am'arake Ioteb'a ake e kaawakin b'a e a rangi n ri aon ae riai-ai aron m'aitin tanon taari.

1.Uea 3:12

Ma ngaia are, N na karikiko b'a te kabanea ni wanawana i buakoia aomata aika a tia ni maiu, ao aika a na maiu rimwi n te maiu aei.

1.Uea 3:28

Ao a bane ni mimi Iteraera n aron Toromon ni motikitaeka. Ao a uringa are E a tia te Atua n anganna te wanawana ni motikitaeka n ae eti raoi.

1.Uea 4:20

A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

Taian Areru 119:32

N na kakorakoraai n tou mwin am Tua, Buokai ni karabaaba riki ootan nanou.

Taian Areru 119:34

Anganai te kona n ota n nanon am Tua, B'a I aonga n ongeaba nako iai, ao ni kawakinna ma nanou ni koaua.

Taeka n Rabakau 2:6

A bane n roko taian wanawana mairoun te UEA ao ai uana naba ma te iangoraoi ao te ataib'ai.

Te Minita 1:16

I taku nako iu “Bon ngkoe te kabanea ni wanawana nakoia aika a tia ni maeka i aon Ierutarem. E korakora nanom ni kan atai b'aai nako, ao ko a tia ni karekea am atatai ae e rangi ni m'aiti.”

Te Minita 2:26

Ngkana ti kakukureia te Atua, ao e na kawanawanaira, ma n anganiira te ataib'ai ao te kukurei. Ma ngkana ti bure, ao te Atua e na karawaawatai maiura, ao e na manga anga ara b'ai ni kabane nakon temanna are E kakukureia. Bon akea okoron aei ma kakiokioan te ang.

Itaia 60:5

Ngkana kam noora te b'ai aei, ao a na uremangangaa matami, e na bukibuki manawami ao kam na onrake n te kakatonga. A na bane ni uotaki nakoim baika a kakaawaki man taabo aika a raroa nakoa i aoni marawa ao kaub'aia botannaomata nako.

Ieremia 33:22

ao a na kam'aitaki riki ana kariki Tawita ao aia kariki ibonga ake kanoan Rewi nakon taiani itoi i karawa ke tanon te bike.

Taniera 2:21

E taui aron taian tai ma taian aua; E kateia uea ao E kab'akaia naba; boni Ngaia ae E anga te rabakau ma te ataib'ai.

Ab'akuka 1:9

“A kanenei aia taanga ni buaka ma te kataenikai ae e korakora ao a bane ni maaku te koraki n rokoia. Aia taenikai, ai aron m'aitin te tano.

Iakobo 1:17

B'aai ni kabane aika raraoi ma ni moanibaan te raoiroi boni b'aai n tituaraoi mai eta, aika ruo mairoun Taman te oota, are akea i rouna te bibitaki are e na reke mai iai te nu ae roo.

Iakobo 1:5

Ngkana akea ana rabakau temanna i buakomi, ao e na butiia te Atua ae tituaraoi, ae kukurei n anganganiia aomata ni kabaneia, ao e na bon anganaki.

Iakobo 3:17

Ma te rabakau are mai eta e kairiia aomata nakon te maiu moa ae itiaki, ao ae rau ma n nimamannei, ae b'aina te iraorao; e on n te nanoanga, ao e karaoi m'akuri nako aika raraoi; e aki nanonano ao e aki m'am'anaa te aba.

Tani Motiki-taeka 7:12

E bon rangi ni korakora te maeka arei. A kaona te m'arua arei kaanga te taanga n rookati kaain Miiria, Amareka, ao botannaomata ake i mainiku. Tao e beebete riki warekan te tano are i mataniwiin te bike nakon warekan aia kaamero.