1.Uea 4:25 - Te B'aib'ara

²⁵ I nanon ana tai ni maiu Toromon ao a bane n rau aomata ake a maeka i aon Iteraera, ni moa man te kaawa are Taan i meang, ao n toki i Beerateb'a i maiaki. A tekateka ma te rau n aki kakiriweaki utu nako i aan arokaia te kureebe, ao arokaia te biiku.

1.Uea 4:25 ပူးပေါင်းရင်းမြစ်များ

2.Tamuera 17:11

Aio au iango, ko na bootia m'anen Iteraera man te kaawa are Taan i meaang rikaaki nakon te kaawa are Beerateb'a i maiaki. Ko na kam'aitiia riki am tautia nakon tanon mataniwiin te bike. Abetarom, ko na kairiia boni ngkoe,

2.Tamuera 24:15

Ma ngaia are, n te ingabong anne, E kanakoa te anera te UEA b'a e na kabutaa aon Iteraera ni kabane n te aoraki ae e kakamaaku, ni moa mai Taan nako Beerateb'a.

2.Uea 18:31

‘Tai ongo iroun Etekia ma kam na ongo iroun au uea. Taenikai i rouna. E na kainaomataingkami ni kaawakini ami onaroka ni kureebe, ao arokami naba taiani biiku

1.Rongorongo 22:9

Ma ngkana e uea natim te m'aane, N na anganna te raoi n aki bubuaka ni kabuta abanueana. E na aranaki b'a Toromon i bukina b'a N na karokoa te mwengaraoi ao te rau i nanon ana tai ni uea.

Itaia 36:16

Katoka ongoraami iroun Etekia. Ongora iroun au uea. Ane e na kaawakin nnen arokami kureebe, arokami biiku, ao ami tabo n ran

Itaia 60:18

E na aki manga kakiriweingkami te tiritiri, te urub'ai ao te kakeru i aon tian abami nako. Kam na arana oon ami kaawa nako b'a “Tokanikai” ao “Neboaki” b'a aran mataroan ami kaawa nako.

Etekiera 38:11

b'a ane ko na aonikaia Iteraera, te kaawa ae e mamaara ae e rau ike a maeka iai aomata ma te kaawakinaki raoi i nanon taian kaawa aika akea ooia ke mataroaia ke rokaia.

Etekiera 39:26

A na maeka ma te rau n oin abaia, ma a na mamaa ngkana a uring aia m'akuri aika a buakaka ma aroia ni kamamaaeai.

Mika 4:4

E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.

Tekaria 3:10

Ao kam na maeka ma te rau ngkami n tatabemaningkami nako ao kam na kakukureia raoraomi n oin ami nne ni kureebe ao i aan oin arokami taiani biiku.

Tani Motiki-taeka 20:1

Ao a tewea boowin aia botannaomata Iteraera. Ao a karaoa aia kabowi n te tabo n taromauri are i Mitib'a i bukina ngke bon ana Aomata te Atua ngaiia. Ao a bane n roko m'aane aika a tau nakon te nakoa n tautia mai aon Iteraera ni kabane--mai Taan i meang, Beerateb'a i maiaki, ao Kireata i mainikun te Ioretan. 400,000 taiani m'aane ake a roko i Mitib'a, ao a bane n ti te bo aia namakin n aia m'akuri kaain te baronga are Beniamin. Ao e roko rongorongon te kabowi arei irouia kaain te baronga are Beniamin. Ao n te tai are a roko iai n aia tabo taani kairiiri man taiani baronga nako, ao a taku Iteraera, E kanga n riki te aro aei?

1.Tamuera 3:20

Ao e bane n ataaki irouia aomata ni kabane man te kaawa are Taan are i meang nakon te kaawa are Beerateb'a are i maiaki, b'a Tamuera bon Ana burabeti ni koaua te UEA.