1.Uea 4:22 - Te B'aib'ara

²² E katoa bong Toromon n tangira teuana te tan te buraawa ae e a tia ni kamateaki, ao uoua ma te itera te tan te buraawa ae aki mantiraoi,

1.Uea 4:22 ပူးပေါင်းရင်းမြစ်များ

1.Uea 10:5

te am'arake i aon te taibora, ana aobitia, ana toro, aika a kaboraoi, aomata aika a touatina kanana, ao taian karea ake e anga i aon te baonikarea n ana Tembora te UEA.

1.Uea 4:21

E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 4:23

Tengaun taiani kao aika a kaam'arakeaki n uita, Uangaun taiani kao aika a kaam'arakeaki n te uteute, 100 te tiibu, ao ai arona naba ma te ria, te ria are te ketere, ao te kuuti.

1.Uea 5:11

Ao Toromon e kabooa mwiina n angan Iram e kaaniia 1,000 te tan te uita ao e nakon 5,000 te riita b'aan te oriwa ni katoa ririki.

2.Rongorongo 9:4

te am'arake i aon te taibora, ana mataniwi nako, ana toro ni kabane aika a kaboraoi, ao te karea are e anga i nanon ana Tembora te UEA.

Neemia 5:18

E katauraoaki temanna te kao, onoman taian tiibu aika a rangi n tamaroa, ao taiani moa aika a rangi ni m'aiti n teuana te bong. Ao e rooroko te wain ae moan te korakora ni katoa tebwina te bong, I ataia b'a bon te uota ae e rawaawata aei nakoia aomata, ma ngaia are, I aki tangira bakaon te am'arake n aroia koowana.

Taeka n Rabakau 24:4

karaoa te iangoraoi b'a e na kaon ruuna nako n taian kaub'ai aika a rangi ni kakaawaki.

Te Minita 5:11

M'aitin am b'ai, boni m'aitin naba ae a kaantaningaia aomata nako mairoum. Bon akea te b'ai ae e raoiroi ae e na anganiko am m'ane—ane a na kabanea tem'angina i bukim.

Taniera 1:5

E anga ana taeka te uea b'a a na kakam'arakeaki mani kakamooaki n aron kanaia ao nimaia kaain ana bareti te uea ni katoa bong. Ao ngkana a koro tenua te ririki n te aro anne, ao a na manga kaotaki i matan te uea b'a e na nooriia.

1.Tamuera 8:12

Ane a na riki tabeman b'a mataniwiia 1,000 te tautia, ao tabeman b'a mataniwiia 50 tautia. Ao tabeman naba a na unika aon aban te uea ma n taia uaana, ke ni karaoi taiani b'ainibuaka, ao b'ain nako te kanibuaka are katikitikaki irouia aoti.