1.Uea 4:21 - Te B'aib'ara

²¹ E bane n tautaekan aaba nako Toromon ake a mena i marenan te karaanga are Iuberetiti ao abaia kaain Biritia rikaaki ni karokoa Aikubita. A bane abanuea aikai ni kaakab'aka te taekiti ni kabane i nanon ana bongi ni maiu Toromon.

1.Uea 4:21 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

2.Tamuera 8:2

E kataenikaiia naba kaain Moaba. Ao i mwiina, e kaweneia aia tautia i aon te tano. E tib'aia nakon tenikoraki; uakoraki a na tiringaki, ao tekorakina a na kamaiuaki. A na riai kaain Moaba aikai ni butim'aea Tawita b'a aia tia tautaeka ma ni kab'aka nakoina te taekiti.

2.Tamuera 8:6

E katikuia tabeman ana tautia i Tamateko, ao a kariaia kaain Aramean b'a a na karika Tawita b'a aia tia tautaeka ao a anga taekiti nakoina. E buoka Tawita n taabo nako ike e nako iai, ao e totokanikai n taiani buaka.

1.Uea 12:4

E kairoroira tamam are Toromon b'a ti na m'akuri korakora. Ma ngkana ko kabebetei riki ara m'akuri, ao ti na bon m'akuri i bukim ma ni karaoi b'aai ni kabane akana ko na tuangiira.

1.Uea 3:13

N na anganiko naba te b'ai ae ko aki buubutii. Ko na riki b'a te kaub'ai ao ko na karineaki ni kabane am bong ni maiu. Ao ko na kakannato riki nakoia uea tabem'aang.

1.Uea 4:22

E katoa bong Toromon n tangira teuana te tan te buraawa ae e a tia ni kamateaki, ao uoua ma te itera te tan te buraawa ae aki mantiraoi,

1.Uea 4:24

E tautaekana te aono are i maeaon te karaanga are te Iuberetiti te uea are Toromon, ni moa mai Tibeta nako Kaata, ao e raoi ma aaba ni kabane.

2.Uea 17:3

E buakana Iteraera uean Aturia are Tiaremanetera; e taua taekan te aba, ao e tuanga Otea b'a e na kab'ab'akai taian roonrab'ata.

2.Rongorongo 17:5

ao e buokia ni kakorakora nakon kabutan abanueana. A uoti taian b'aintangira kaain Iuta nakon Ieotiab'ata, ma e ngae ngke e a maan i mwiin rikirakena ni kaub'ai ao karineana,

2.Rongorongo 32:23

A uoti aia angab'ai aomata nako Ierutarem i bukin te UEA ao taian b'aintangira naba aika a rangi ni bobuaka i bukin Etekia, ao man te bong anne, a bane botannaomata n te aonnaba ni karinea Etekia.

Etira 4:20

Ao taian uea aika a korakora aika a tia n tautaekana te m'akoro Maeao mai Ierutarem, a tia n rikorikoi taian taekiti n aekakiia nako.

Taian Areru 68:29

man am Tembora are i Ierutarem, ike a roko iai uea n uoti nakoim b'aai n tituaraoi

Taian Areru 76:11

Kakoro bukin ami taeka ake kam a tia ni kab'akai nakon te UEA ae te Atua; Ngkami aika botannaomata aika kam ua-kaan, kam na uoti b'aai n tituaraoi nakon te Atua are riai ni makaki.

Te Otinako 23:31

N na nooria raoi b'a e roko tian abami n Taari are Uraura nakon te Karaanga are Iuberetiti nakon Taari are te Mereterenian n toki n te rereua. N na karaoiko b'a ko na konaiia aomata ake a maekana ikekei, ao ko na kakioia nako.

Te Minita 2:25

ao bon akea ae e kukurei riki n am'aam'arake ma ni maiu riki nakon ae I karaoia.

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

Etekiera 16:13

A karaoaki am b'ai ni katamaroa man te koora ma te tirewa, ao a karaoaki am kunnikai man taian riinen aika a korotinaki. E kam'aaki kanam te kariki man te buraawa ae te kabanea ni mte, ao ko kaakana ana karewe te manibeeru ao b'aan te oriwa. Bon ti te bo botonainem ma te ueanaine,

Te Tua-Kaua 11:24

Kam na taui aaba n taabo nako ike kam nako iai, ni moa man Rereuan Maiaki, ni karokoa Maungan Reb'anon, ao man te Karaanga are Iuberetiti ni karokoa Taari are te Mereterenian.

Iotua 1:4

Tian abami mai maiaki, te rereua, ao mai meang, maungan Reb'anon, ao mai mainiku, te karaanga are Iuberetiti, ao mai maeao, e biri ni wairio man te karaanga are Iuberetiti ri nanon abaia kaain Eta n toki n taari are te Mereterenian.

1.Tamuera 10:27

Ma a taku tabeman aomata aika nanobaba aika akea maneia, “E na kanga Tauro ni kamaiura mairouia ara kairiribai?” A aki tangiria b'a e na uea Tauro i aoia, ao a aki uoti naba taiani b'aintangira nako ina. Ma e taotaona nanona Tauro.