1.Uea 4:20 - Te B'aib'ara

²⁰ A bon rangi ni m'aiti aomata aika a maeka i Iuta ao Iteraera ngke e uea Toromon n te aro are kaanga ai aron tanon aon te bike. A bane ni ngae n am'arake mani mooi aomata ao a kukurei.

1.Uea 4:20 ပူးပေါင်းရင်းမြစ်များ

Karikani B'aai 13:16

N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia.

Karikani B'aai 15:5

Ao E kairiia te UEA nako tinaniku, ao E taku, “Taraa karawa, ao kataia ni wareki taiani itoi; a na riki kanoam kanga ai aron m'aitin taian itoi.”

Karikani B'aai 22:17

I berita b'a N na anganiko am kariki ae ai aron m'aitin itoin karawa, ke tanon aon te bike i mataniwiin taari. A na totokanikai kanoam i aoia aia kairiribai.

Karikani B'aai 32:12

Uringnga are Ko berita ngkoa b'a Ko na kanakoraoi b'aai ni kabane i buku ma n anganai au kariki aika m'aiti aika akea ae kona ni warekia, kaanga ai aron m'aitin tanon mataniwiin taari.”

1.Uea 3:8

Ao ngkai, N na tautaekaniia am Aomata aika a rineaki, e ngae ngke a aikoa konaa ni warekaki m'aitiia.

1.Uea 4:29

E wanawana Toromon. E kakab'aia te Atua n anganna te rabakau ma te ataib'ai.

1.Uea 5:9

A na uoti kaai mai Reb'anon nako taari are te Mereterenian au taani m'akuri. Ao a na booti ni kabaei, ao a na kokooki i mataniwiin taari nakon te tabo are ko tangiria. Ao i mwiina, a na manga kab'arai taiani kai, ao a konaa ngkanne au taani m'akuri n anai mai ikanne. I bukin ngkanne boon taiani kai, ko na ti katauraoi taiani uita aika I kainanoi i bukiia kaain au auti.

2.Uea 18:31

‘Tai ongo iroun Etekia ma kam na ongo iroun au uea. Taenikai i rouna. E na kainaomataingkami ni kaawakini ami onaroka ni kureebe, ao arokami naba taiani biiku

1.Rongorongo 12:39

A tiku tautia i Eberon i nanon tenua te bong, n am'arake ma ni momooi ni kanaia aia koraki ake a tia ni katauraoia i bukiia.

1.Rongorongo 22:9

Ma ngkana e uea natim te m'aane, N na anganna te raoi n aki bubuaka ni kabuta abanueana. E na aranaki b'a Toromon i bukina b'a N na karokoa te mwengaraoi ao te rau i nanon ana tai ni uea.

Iobi 1:18

Ao i mwiin banen a na taeka, ao e a manga roko te tia m'akuri are temanna ao e taku, “Ngke a tabe n am'arake ni kukurei natim n ana auti teuare te karimoa,

Taeka n Rabakau 14:28

A teimatoa ni karineaki taan tautaeka aika a korakora n taiani botannaomata ma bon akea aroia taan tautaeka ni botannaomata aika a uarereke.

Te Minita 2:24

Ti te b'ai ae te kabanea n tamaroa, ti riai ni kukurei n am'aam'arake, ni momooi, ao ni m'akuri. I kakoauaa b'a bon aikai ana b'aintangira te Atua nakoira,

Itaia 22:13

Ma kam aki b'a kam karaoi ami bootaki n am'arake ma ni kang iriko ni kao ao iriko n tiibu ao kam mooi wain, i bukina ngke kam kaangai, “Ti a am'arake ma ni mooi! b'a ae ti na mate nakon te ingabong.”

Mika 4:4

E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.

Tekaria 3:10

Ao kam na maeka ma te rau ngkami n tatabemaningkami nako ao kam na kakukureia raoraomi n oin ami nne ni kureebe ao i aan oin arokami taiani biiku.

Tekaria 9:15

E na kaawakiniia Ana Aomata te UEA ae Moan te M'aaka, ao a na kamanatuaia taani bana aika a baiteke ma aia bana. A na mooi ma ni kaberoro; a na riki b'a kaanga te boora ae e on n tain te angakarea.

M'akuri 2:46

A bobotaki n te Tembora ma te nano ae ti teuana ni katoa bong, ao a bobotaki n am'am'arake n aia auti nako, ao a kang kanaia ma te kukurei ao te nanoraoi,

1.Tamuera 30:16

Ao e kaira Tawita nakoia. A uamaae nako taan kurib'ai i aon te tabo arei, a am'arake, a mooi, ao a kukurei i bukin aia b'ai aika a rangi n m'aiti ake b'aai ake a kurib'ai mairouia kain Biritia ao kanoan Iuta.