1.Uea 22:8 - Te B'aib'ara

⁸ Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

1.Uea 22:8 ပူးပေါင်းရင်းမြစ်များ

Karikani B'aai 37:8

Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.

1.Uea 18:4

Bon Ob'aria are e karabaia 100 Ana burabeti te UEA n taian nangananga ni b'a ake uoua ao e kakarekei kanaia ma nimaia ngke e kataia Nei Ietebera n tiringiia. Ao e kanaanako wetean Ob'aria te uea are Aaba

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 19:14

Ao e taku Eria, “Te UEA ae Moan te M'aaka, I aki toki ni kaakaraoa kabaneani korakorau n ongongotaeka iroum. Ma a tia am Aomata n urui aia berita nakoim. A tia n urui am baonikarea ao a tiringiia am burabeti, ao bon ti nikiraia ngai. Ao ngkai ae a boni kataia naba n tiringai.”

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

1.Uea 22:13

Ao i mwiina teutana ao e a taku te aomata are e nako ngkoa ni kawaekoa Mikaia ao e wiirikiriki nakon Mikaia ni kaangai, “Noria a bane taiani burabeti n taekina te rongorongo ae e raoiroi nakon Aaba. Ma ngaia ae, ko na nako ngkai ao ko na taekina naba ae aekakin arei.”

1.Uea 22:18

Ao e rairaki Aaba nakon Iotiab'ata ao e taku, “E uara ngkanne, ao are I a kaman tuangko are e aki toki n tataekina nako iu te rongorongo ae e aki kakukurei.”

1.Uea 22:27

Tuangiia b'a a na kainna n te karabuuti ao ana ti kam'arakea n te kariki ao te ran ni karokoa manga okiu ni buaka ma te maiu.”

1.Uea 22:7

Ao e taku Iotiab'ata, “A boni bane ngkai ana burabeti te UEA aika ti konaa n titirakiniia b'a ti aonga ni koaua raoi?”

1.Uea 22:9

Ma ngaia are, te uea are Aaba n te tai ae e waekoa e a kanaanako weteakin Mikaia.

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

2.Rongorongo 36:16

Ma a ti ngare aomata ao a kakanikoia burabeti akekei. A aki kubara te b'ai are e kataia n taekinna te UEA nakoia, ni karokoa e a rangi n un n te aro are bon akea ae e konaa ni katokia man katuaeakiia kaain Iuta ao Ierutarem.

Taian Areru 34:21

A na mate akana buakaka n aia m'akuri aika bubuaka; Ao a na karawaawataaki akana ribaia akana raoiroi.

Taeka n Rabakau 15:12

Akana a b'ainingareia tabem'aang a rawa ni kaetaki, ao a na bon rawa ni buubuti buokaia mairouia akana a iangoraoi.

Taeka n Rabakau 29:10

E riiribaia aomata aika a raoiroi aika a maiuakina te eti te tia tiritiri.

Taeka n Rabakau 9:8

Ane a na un iroumi taani kamoamoa ni kabane akana kam kaetiia. Ma ngkana kam kaeta temanna ae iai ana iango ao kam na taatangiraki.

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 30:10

ao a tia n taetae ni kaangai nako ia ana tia uarongorongo nako ma ana burabeti nako: Kam na aki tuangiira te b'ai ae e a tia ni kaotia te Atua nakoimi ao kam na aki kab'arab'araa te koaua. Kam na ti taekina ae ti tangiria b'a ti na ongo, e aoria ngkana e kaairua.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Ieremia 18:18

A taku aomata tabeman, “Ti a katiaa taekan Ieremia! Bon iai ibonga n taai nako ike a konaa n reireiniira ana Tua te Atua, ao ai uana naba ma aomata ake a rabakau b'a a konaa n anganiira taeka n reirei, ao burabeti b'a a konaa n anganiira ana rongorongo te UEA. Ma ngaia are, ti na aki manga ongo i roun Ieremia, ma ti na bukinna n te bure.”

Ieremia 20:10

I ongo aia maningongoo aomata ae e kaangai, “A bane ni maaku aomata nako. Ara tai ngkai ni bukina Ieremia!” Akea te b'ai riki ae a karaoia raoraou ake I tataneiai ma ngaiia b'a ti tataningaan b'akau. A taku, “Tao e na bon konaa ni kam'aneaki Ieremia. Ao i mwiina, ti kab'aka ao e na booraoi arora ma ngaia rimwi.”

Ieremia 36:23

Ngke e a bon tib'a bane warekan tenua ke aua te raain i roun Ieuri, ao e a korouaia naba te uea n ana biti ae e uarereke ao e karenakoa nako nanon te ai. E karaoa anne ni karokoa e bon bane raoi ni bue te niira ni boki arei.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Amota 5:10

Ngkami aika aomata kam ribaia ake a karaoa te motikitaeka ae riai ao n taekini taeka aika koaua n te bowi.

Mika 2:11

Aikai aekakin aomata ake a tangira te burabeti ae e b'anga ni kewe ma ni kam'am'ane, are e na kaangai nakoia, “I taetae ni burabeti b'a e na raanga nako i bukimi te wain ae e kangkang ma te wain ae te kamanging.”

Mika 2:7

Ko taku n am iango b'a e a roko te maraia i aon Iteraera? E a aki taotaona nanona te UEA? E nang kareke kaira? E a aikoa taetae raoi nakoia aika a kakaraoa ae e raoiroi?”

Tekaria 11:8

E aki koro teuana te nam'akaina, I aki konaa n taotaona nanou irouia taani kaawakin tiibu aika teniman aika a ribaai, ao I karaoi taekaia.

Mataio 10:22

ao ane kam na ribaaki irouia aomata ni kabaneia i bukin arau. Ma ane nanom'aka ni karokoa matena, ao e na kamaiuaki.

Ioane 17:14

I a tia n taekin am taeka nakoia, ao e ribaia te aba, b'a tiaki ana b'ai te aba ngaiia; n ai arou ngkai tiaki ana b'ai te aba Ngai.

Ioane 7:7

Akea bukin ae kam na ribaaki iai irouia aomata nako; ma iai bukin ribakiu i rouia, b'a I aki toki n tuangiia b'a a bubuaka aia m'akuri.

I-Karatia 4:16

I a riki ngkai b'a ami kairiribai ngkai I taekina te koaua nakoimi?