1.Uea 22:6 - Te B'aib'ara

⁶ Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

1.Uea 22:6 ပူးပေါင်းရင်းမြစ်များ

1.Uea 12:9

Ao e taku nakoia, “Tera ami iango n te b'ai ae N na riai n taekinna nakoia aomata aika a butiai b'a N na kabebetea aia m'akuri?”

1.Uea 18:19

Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:20

Ao e bootia aomata Iteraera ni kabane Aaba, ao a nako ni kawara Eria i aon te Maunga are Karemera.

1.Uea 22:10

Ao n te tai aei, ao a tekateka Aaba ma Iotiab'ata i aon aia kaintokanuea ma niiniiraia ni uea n te tabo ni kanako kun ni uita i matan mataroan te kaawa are Taamaria. A tabe n ongora irouia burabeti ake a taekin Ana taeka te UEA nakoia.

1.Uea 22:15

Ao i mwiina, ao e a nako Mikaia ni kawara Aaba, ao e a taku Aaba nakoina, “Mikaia, N na buakana Turia i Ramota ke N na aki?” Ao e taku Mikaia, “Eng, ko na buakanna b'a E na anganiko te UEA te tokanikai.”

1.Uea 22:5

Ma ti na riai moa n titirakina te UEA nanona.”

2.Uea 10:19

N nang anga ngkai te karea ae moan te korakora nako ina. Ma ngaia are, kam na kaoiia ana burabeti ao ana ibonga, ao kakoaua raoi b'a a na bane n roko ikekei taan taromauria B'aara. E na tiringaki ane e aki roko. Ma bon te m'akuri ni kam'ane te baei-b'a Ieu e bon iangoa tiringakiia taan taromauria B'aara.

2.Uea 3:13

ao e titirakina Ioram ni kaangai, “E aera ngkai kam nakomai? Naako taromauriia aia burabeti antiia Ianena are a taromauriaki irouia am karo.” Ao e taku Ioram, Ti na aki, ma bon te UEA ae e kaotinakoira nako ikai b'a ti aonga ni kataenikaiaki irouia aia taanga ni buaka kaain Moaaba.

2.Rongorongo 18:14

Ao e m'ananga Mikaia nakon Aaba, ao e titirakin Aaba ni kaangai, “Mikaia, ti na buakana Ramota ke ti na aki?” Ao e kaeka Mikaia, “Eng, E na buokiko te UEA n taua te kaawa ane e buubura anne.”

Itaia 36:10

Kam na aki m'aninga are bon te UEA ae e kanakomaiai b'a N na tiringiia ami botannaomata!

Ieremia 5:31

A anga aia rongorongo taiani burabeti n aran te anti ni kewe. a aki tangiria au ibonga ni m'akuri i buku ma ngkami-Au aomata ni koaua kam tangira te kawai aei! Ma i nanon tain te kabuanib'ai anne, kam na rairaki nakon antai i bukin buokami?

Etekiera 13:22

A karaoi b'aai aika N na bon aki karaoi. A keweia aomata aika a raoiroi ao a kaungaia b'a a na karaoi m'akuri aika a kaairua, ao a anai nanoia aomata aika a buakaka b'a a na teimatoa ni karaoa te bure ma ni kaburei toroni maiuia.

Mataio 7:15

Kam na kawakiningkami mairouia burabeti ni kewe, akana nako imi ni bakaaea te nimamannei kaanga ai aroia tiibu, ma bon aroia kameanti aika tiritiri ni koaua uakekei.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.