Ao i mwiina e taku nakon Iotiab'ata, “Ko aki irai nako Ramota ni buakaniia kaain Turia?” Ao e taku Iotiab'ata, “Ko na ti tuangai b'a tera ae N na karaoia. A mena taekan au tautia ma au aoti i nanoni baim.
Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”
Ao ni bon te tai naba arei, ao e kanakoaki Eria are te burabeti are kaain Titibe b'a e na taetae nakoia ana tia uarongorongo te uea ni kaangai, E a tia Aatia ni kaakeaa are bon oin Atuana ngkai e kanakoko b'a ko na titirakina Baretebub'a i bukin ikoakina.
Ao e taku Ieotiab'ata, Antai Ana burabeti te UEA ae e iriira? Ti na titirakinna b'a tera ae e tangiria te UEA b'a ti na karaoia. Ao e taku temanna ana mataniwi Ioram, Ae ikai Eritai are natin Tiabata te m'aane. Bon te tia buobuoka Eria.
E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,
“E a tia uean B'aburon are Nebukaneta i B'aburon ao ni buakana Iuta. I butiiko b'a ko na butiia te UEA b'a e na karaoa te kakai i bukiia ara aomata, n aron are e karaoia naba ngkoa rimoa, b'a e aonga n nako ni kiitaniira Nebukaneta.”
Etekiera ae natin te aomata, a tia ni manga moana taromauriakiia bouannanti m'aane aikai, e ngae ngke e na manga karekeia n te bure ae e korakora riki. Ma ngaia ae I aki kan taekina te rongorongo nakoia.
Ao a katoonga nikiran kanaia taan roko m'aanen Iteraera, b'a kanikinaean kariaiakan te bubuti i bukin te boraraoi n raoi, ma aki kakaea moa nanon te UEA i bukin te boraraoi anne
Ma ngaia are, a nakon te tabo n taromauri i Betaera ao a titirakina te Atua ni kaangai, Antai te baronga ae te moan m'ananga ni buakaniia kaain te baronga are Beniamin?
Ao n te tai anne, e ibonga iai Aiia irouia ana taanga ni buaka Iteraera, ao e taku Tauro nako ia, “Nakomai ikai, ti na titirakina te Atua b'a tera ae ti na karaoia.”
Ma ngaia are, e titirakina te UEA ni kaangai, “E riai b'a N na nako ke N na aki nako ni buakaniia kaain Biritia?” Ao E kaeka te UEA ni kaangai, “Eng, ko na nako ni buaka ni kamaiua Keira.”
Ma ngaia are, e a manga titirakina riki te UEA, ao E taku te UEA nakoina, “Ko na nako ni buakaniia kaain Biritia i Keira, b'a N na anganingkami te tokanikai i aoia kaain Biritia.”
Ao e titirakina te UEA Tawita ni kaangai, “N na riai n rimwiia taan kurib'ai? Ao N na kauiaia?” Ao E kaeka ni kaangai, “Naako rimwiia; ko na kauiaia ao ko na kamaiuia taenikai.”
