1.Uea 22:39 - Te B'aib'ara

³⁹ Ao a bane n tauaki mwiin b'aai ake e karaoi Aaba i nanon ana tai ni uea, n te boki are Rongorongoia Uean Iteraera, ni ikotaki ma kaawa ake e a manga kamatoai ao te bareti are e karaoi b'ain nanona ni koron te ereb'anti.

1.Uea 22:39 ပူးပေါင်းရင်းမြစ်များ

1.Uea 10:18

E karaoaki ana kaintokanuea mani koron te ereb'anti, ao e kabiraki n te koora ni koaua.

1.Uea 10:22

A m'aiti ana kaibuke ni borau Toromon aika a korakora. E kakam'anangaia ana kaibuke ma ana kaibuke Iram b'a a na uoti rikaaki taiani koora, tirewa ao koron ereb'anti, ao ai uana naba ma m'angkii, ao biikooki.

1.Uea 14:19

A bane ni koreaki rongorongon b'aai ni kabane ake e karaoi Ieroboam ngke e uea, n reitaki naba ma taian bonibuaka ake e tokanikai iai n te boki are Rongorongoia uean Iteraera.

1.Uea 15:23

A bane ni kaawakinaki rongorongon b'aai ni kabane ake e karaoi Ata i nanon ana tai ni uea, n reitaki ma tokanikaina n te buaka, ao kaawa ake e a manga karaoi n te boki are Rongorongoia Uean Iuta. E reke aorakin waena ngke e a kara.

1.Uea 15:31

A bane ni koreaki b'aai ni kabane ake e karaoi Nataba n ana tai ni uea n te boki are Rongorongoia Uean Iteraera.

1.Uea 16:20

A bane ni koreaki b'aai ni kabane ake e a tia ni karaoi Timri n ana tai ni uea ni ikotaki ma ana kamangao nakon Era i nanon te boki are Rongorongoia Uean Iteraera.

1.Uea 16:27

B'aai ni kabane ake e karaoia Omri ngke e uea ni ikotaki ma ana m'akuri n ninikoria a bane ni koreaki n te boki are Rongorongoia Uean Iteraera.

1.Uea 16:5

Ao e rangi ni kauna te UEA Baatia, ao bon anne bukina are E angan iai Ieu te rongorongo i bukin Baatia ma ana utu. E teimatoa n aki ongotaeka Baatia nakon te UEA ngke e katotonga Ieroboam, ma e a rangi ni buakaka riki ana bure ngke e tiringiia ana utu Ieroboam ni kabane. B'aai ni kabane ake e karaoi Baatia i nanon ana tai ni uea a bane ni koreaki n te boki are Rongorongoia uean Iteraera, n reitaki ma ana m'akuri n ninikoria. Ao e mate Baatia ao e taunaki i Tireta, ao e a manga uea natina are Era n onea mwiina.

1.Uea 22:40

E mate Aaba, ao e uea natina are Aatia.

2.Uea 1:18

A tauaki mwiini b'aai ni kabane ake e karaoi Aatia i nanon ana tai ni uea i nanon te boki are Rongorongoia Uean Iteraera.

2.Uea 15:15

E rawa n taenikai te kaawa ni bane ake i rarikina ni karokoa Tireta. E tiringiia ni kabane ake a maeka i Tibeta, ao e korouaia aine aika a bikoukou n ana kabaang.

Taian Areru 45:8

A bane niiniiram ni boiarara ni boini b'aa aika boiarara; A kakukureiko taani katangitang n aia b'ai ni katangitang i nanon auti aika bareti aika katamaroaaki ni koroia ereb'anti.

Etekiera 27:15

Ko bon karikirake naba ma kaain Roteti, ao aomata mani botannaomata ake a mena i mataniwiin taari a anganiko koron te ereb'anti ma kaai aika ebone b'a boon am b'ai ni kaboob'ai.

Etekiera 27:6

A karaoaki okeni Batian b'a taian bwe, a koreaki m'aiangon Kubero i bukin aon te eke, are e a manga katamaroaaki ao ni kamawawaaki ni koron te ereb'anti.

Amota 3:15

N na urui autin bong aika a kam'aitoro ao autin naba bong aika a kabuebue. A na b'aka naba auti ake a katamaroaaki ni koron taian man n aron te ereb'anti ao ana bane n uruaki auti aika korakora.”

Amota 6:4

Bon te bong ae rangi ni kakamaaku nakoimi ngkami aika kam ni wenewene i aon kiemi aika a katamaroaaki, ma n am'am'arake n irikoia kaao ma tiibu aika ataei!