1.Uea 22:36 - Te B'aib'ara

³⁶ Ao ngke e a bungitaai, ao e takaarua temanna tautian Iteraera nakoia raona ni kaangai, “Keerikaaki! Okiri mwengami.”

1.Uea 22:36 ပူးပေါင်းရင်းမြစ်များ

2.Tamuera 19:8

Ao e teirake Tawita ao e nako nakon mataroan te kaawa ao e tekateka. Ao ngke a ongo aomata ae e a tekateka ikekei, a bane n roko n nooria. Ao ngke a bane n okira mwengaia tautian Iteraera,

1.Uea 12:24

“Kam na aki nako ni buakaniia aomatan Iteraera-bon ami koraki. Nako okirii mwengami. Bon te UEA ngai, ao I bon kariki baikai.” Ao e ongo taeka Roboam ma ana taanga ni buaka, ao a okirii mwengaia.

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

1.Uea 22:31

E a tia uean Tiiria n tuangiia 32 mataniwiia ana taan buaka n taian kaanibuaka b'a ana tii buakana Aaba.

1.Uea 22:35

Ao e bong bongin te buaka arei ao e totokoaki Aaba i aon ana kaanibuaka b'a e aonga ni kona n nooria tautian Tiiria. E rangi ni korakora tiinakon raraana n te aro are e a rarabuabua nanon te kaanibuaka, ao e a mate ngke e a bong.

1.Uea 22:37

Ao e uotaki rikaaki rab'atan Aaba nako Taamaria ao e taunaki ikekei.

2.Uea 14:12

Ao e taenikai ana taanga ni buaka Iuta. A bane ni biri rikaaki n okiri aia auti tautian Iuta,

Tani Motiki-taeka 21:24

Ao i mwiin anne, ao a okiri mwengaia ma aia utu Iteraera ake te korakina.

1.Tamuera 4:10

Ao a buaka kaain Biritia. A tiringiia 30,000 m'aitiia tautian Iteraera, ao nikiraia a birinako nakon mwengaia.