1.Uea 22:22 - Te B'aib'ara

²² Ao e taku, “N na karaoia ana burabeti b'a a na kewe nakoina.” Ao E taku te UEA, “E raoiroi. Ko na nako ngkai ni karaoa anne.”

1.Uea 22:22 ပူးပေါင်းရင်းမြစ်များ

1.Uea 13:18

Ao e taku te burabeti are e a kara, “Bon te Burabeti naba ngai. E tuangai ana anera te UEA b'a n na kairiko nakon au auti ma n anganiko te am'arake ma te mooi.” Ao e aki ataia te burabeti mai Iuta are e kewe te burabeti are e a kara,

1.Uea 22:20

Ao E titiraki te UEA ni kaangai, Antai ae e konaa ni kam'anea Aaba b'a e a onga n nako ni buaka b'a e aonga ni mate i Ramota? Ao a bane n iangoia moa teutana te tai,

1.Uea 22:21

ao i mwiina, ao e koerake te tamnei ao e taku, I konaa n kam'anea Aaba. Ao E titiraki te UEA ni kaangai, “Ao ko na kanga ni kam'anea?”

2.Uea 3:13

ao e titirakina Ioram ni kaangai, “E aera ngkai kam nakomai? Naako taromauriia aia burabeti antiia Ianena are a taromauriaki irouia am karo.” Ao e taku Ioram, Ti na aki, ma bon te UEA ae e kaotinakoira nako ikai b'a ti aonga ni kataenikaiaki irouia aia taanga ni buaka kaain Moaaba.

Iobi 1:12

E taku te UEA nakon Tatan, “E tamaroa, a mena b'aai ni kabane akana i rouna i nanoni baim, ma ko na aki kaikoaka Iobi.” Ao e a nako Tatan.

Iobi 12:16

E korakora te Atua, ao E totokanikai n taai nako; a bane ni mena i aan m'akana aomata aika m'am'anaaki ma aomata naba aika taani m'am'ana te aba.

Taian Areru 109:17

“E karereantia te koraki. E bia reke kaina! E rarawa n taetae ni kakab'aiaia aomata. E bon karika te kabuanib'ai i bukin kakab'aiana!

Itaia 19:14

E a tia te UEA ni kamangaongaoa Aikubita; a tia taani kairiiri ni karaai waena ao ni kamumutaa kaanga te koro ni manging.

Etekiera 14:9

Ngkana e anga te rongorongo ae e kewe te burabeti, ao boni Ngai ae I karaoa te burabeti b'a e na kewe. Ma N na bon aki butim'aia ao N na kanakoa mai buakoia au aomata,

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

1.Timoteo 4:1

E taetae te Tamnei are Raoiroi ni kaotia raoi b'a ni boong aika kabanea ni boong, ao bon iai tem'aangina aika na kaaka taekan te onimaki; ao ane a na iri nanoia tamnei aika bureburea te aba, ma aia reirei taimonio,

1.Ioane 4:6

Mairoun te Atua ngaira: ane ata te Atua ao e ongo i roura; ane tiaki mairoun te Atua, ao e aki ongo i roura. Ti kona n ata te kaokoro i marenan tamnein te koaua ao tamnein te m'am'ana te aba.

Te Kaotioti 13:14

Ao e m'am'anaia ake a maeka i aon te aba ni kanikina ake e anganaki b'a e na karaoi i matan te man are moa ni kaoti; ao e tuangiia ake a maeka i aon te aba b'a a na karaoa te bouananti ae na katotonga aron tein rab'atan te man are aki mate ngke e ikoaki n te kabaang.

Te Kaotioti 17:17

B'a E a tia te Atua ni kaaki i nanoia te kani karaoa ana kaantaninga n te nano ae ti teuana, ao n aroia n anga m'aakaia n tautaeka nakon te man arei, ni karokoa ae a kakoroaki raoi nanon ana taeka te Atua ake a tia n taekinaki.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.

Te Kaotioti 20:7

Ao ngkana a koro ririki ake tengaa, ao e na kab'araki Tatan man te tabo are e kainaki iai,

Tani Motiki-taeka 9:23

n te tai are E nang katuaaea iai te Atua ma taani kairiiri i Tekem i bukin tiringaia natin Kiteon ake itingaun. Ma ngaia are, E karikiia taani kairiiri te Atua b'a a na manga kaaitaraa Abimereka.

1.Tamuera 16:14

E a tia Tamnein te UEA ni kiitana Tauro, ao e nako te tamnei ae buakaka mairoun te UEA ni kakamaakua.

1.Tamuera 18:10

Ao n te bong are i mwiina, E kanakoa te tamnei ae buakaka te UEA b'a e na niniia Tauro, ao e riki kaanga aron te rangirang i nanon ana auti. Ao e rin Tawita b'a e na katanga te aabi n aron are e boni kakaraoia mai m'aaina, ma iai ana kainiwai Tauro i nanon baina n te tai aei.

1.Tamuera 19:9

Ao n te tairiki teuana, ao e mena Tawita n ana auti Tauro b'a e katanga te aabi nako ina. Ao e tekateka Tauro, ma te kainiwai i nanon baina, ao ngke e niniaki n te tamnei ae buakaka are roko mairoun te UEA.