1.Uea 22:16 - Te B'aib'ara

¹⁶ Ao e takaarua Aaba ni kaangai, “Mikaia, ai iraua te tai ae I tuangko iai b'a ko na tuangai raoi te koaua. Tera raoi ae E taekinna te UEA nakoim?”

1.Uea 22:16 ပူးပေါင်းရင်းမြစ်များ

1.Uea 22:15

Ao i mwiina, ao e a nako Mikaia ni kawara Aaba, ao e a taku Aaba nakoina, “Mikaia, N na buakana Turia i Ramota ke N na aki?” Ao e taku Mikaia, “Eng, ko na buakanna b'a E na anganiko te UEA te tokanikai.”

1.Uea 22:17

Ao e taku Mikaia, “I nanon te kaotioti are I nooria, ao I nooriia tautian Iteraera b'a a m'ananga ni katobibi i aon taian tabuki n aroia tiibu aika akea te tia kaawakiniia. Ao e taku te UEA, “Akea aia tia kairiiri taian tautia aikai. A riai n okira mwengaia ao a na aki buaka.”

2.Rongorongo 18:15

Ao e takaarua Aaba ni kaangai, “Mikaia, I a tia n tuangko n taai aika a bati b'a ko na tuangai te koaua! Tera ae E a tia n taekinna te UEA nakoim?”

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 37:17

I mwiina riki, ao e kanaanako weteau te uea are Tetekia n te aro ni karaba, ao I anaaki nakon te bareti, ike I a titirakina iai ni kaangai, “Iai te rongorongo nakoira mai roun te UEA?” Ao I kaeka ni kaangai, “Eng teuae ko karineaki, iai. E taku te UEA b'a E nang karokoa uean B'aburon b'a e na kataenikaiko.”

Ieremia 38:14

Ao e weteai te uea are Tetekia nakon are bon ana mataroa nakon te Tembora, ao e taku, “N na titirakiniko ngkai, ao I tangiria b'a ko na taekina raoi te koaua.”

Warekaia Iteraera 22:38

Ao e taku B'araam “Ao ae I a roko ngkai, ma N na bon ti taekin baike E tuangai te UEA b'a N na taekin.”

Mataio 26:63

Ma E kainab'aabu Iesu. Ao e taku mataniwiia ibonga nako Ina, “I titirakiniko i matan te Atua ae maiu, b'a Ko na tuangiira b'a tao te Kristo Ngkoe, are Natin te Atua.”

Mareko 5:7

ao e takarua n te b'ana ae korakora, ni kangai, “Iesu ae Natin te Atua are Moan te Rietaata! Tera am b'ai i rou? I bubutiko n aran te Atua b'a Ko na aki kamarakai!”

M'akuri 19:13

Iai I-Iutaia tabem'aang aika nanakonako ni kanakoia naba tamnei aika bubuaka n aia tabunea. A kabongana aran te UEA are Iesu nakoia aomata ake iai i rouia tamnei aika bubuaka, ao a kaangai, “Ti tuangngkami iroun Iesu are e tataekinna B'auro!”

Iotua 6:26

Ao e anga ana taeka ni bau Iotua ae kaangai, “E na kamaraiaa te aomata te UEA ane e a manga kataia ni katea Ieriko. E na mate ana karimoa ae te m'aane te aomata ane e a manga kataia ni kawenea aan te kaawa aei; ao e na bua ana bina te aomata ane e karaoa te mataroa.”