1.Uea 21:27 - Te B'aib'ara

²⁷ Ao ngke e ongo aei Aaba, ao e raeuaaka ana kunnikai ao e karin i aona taiani baeki aika a mangaingai ni bong ao ni ngaina. E rawawata nanona ao e aki am'arake.

1.Uea 21:27 ပူးပေါင်းရင်းမြစ်များ

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

2.Tamuera 3:31

Ao e tuangiia aomata ni kabane ake raonna ni kaangai, “Kaota nanokawakimi n raeuai kunnikaimi ao ni karin kunnikai aika a mangaingai! Kam na nakonako ririmoan Abenera ao kam na tang!” E nakonako Tawita i akuun te b'ai are e uouotaki iai rab'atan Abenera.

1.Uea 21:28

Tabeua te tai i mwiina, ao E taku te UEA nakon Eria,

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

2.Uea 19:1

Ao ngke e ongo te rongorongo arei Etekia, ao e raeuaa ana kunnikai i bukin rawawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA

2.Uea 6:30

Ao e raeuai kunnikaina te uea i bukin nanokaawakina, ao e bane n nooraki kunnikaina aika a raeraeaki mai aana i bukina ngke e teretere raoi b'a e mena i aon taubukin oon te kaawa.

1.Rongorongo 21:16

Ao e noora ana anera te UEA Tawita i nanon te akea n taua ana kabaang i aon Ierutarem. Ao a bane ngaia ma taan kairiiri i aon Iteraera, ake a kunnikaia ni kunnikai aika a mangaingai, ni bobaraaki ni kabomataia ma aontano,

Iobi 16:15

I a kunnikaiai n te kunnikai te baeki, ao I tekateka ni konaaki i aontano.

Te Otinako 33:4

Bon i m'aain naba taetaen te UEA n taekin taeka aika a kamaraki aikai, E a kaman tuanga Moote ni kaangai, “Bon aomata aika a kamangao aomata aikai, ao N na bon tiringiia n te tai ae e waekoa ngkana I iriia.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 38:15

Bon akea te b'ai ae I konaa n taekinna ni kaekako, i bukina ngkoe ae ko karaoi baikai nako iu. E a oneaki maiu nakon ae e maai; ao N na aki nakonako raoi ni karokoa mateu.

Ieremia 36:24

Ma e aki maaku te uea ao a aki maaku naba ana mataniwi ni b'aai ni kabane ake a ongo ao a bon aki kaota naba te mata n nanokawaki.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Iona 3:10

Ao te Atua E noori baike a karaoi; b'a a tia n toki man aroia ake a bubuaka. Ma ngaia are, E a bita nanona ma n aki katuaaia n aron are E a tia n taekinna.

Iona 3:6

Ao ngke e ongo aei uean Ninewe ao e teirake naba man ana kaintokanuea, e buuta kunnikaina n uea mai aona, ao e karina naba te kunnikai ae e mangaingai, ao e tekateka i buakon te mannang.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”