1.Uea 21:19 - Te B'aib'ara

¹⁹ Ko na nako n tuangnga au taeka ae e kaangai, “Aaba ko tiringa Naabota ao ko anaa ana b'ai. Ma ngaia are, n te tabo are e neweneweaki iai raraan Naabota irouia kamea, ao e na manga neweneweaki naba iai raraam.” Ao ngke e reke iroun Eria,

1.Uea 21:19 ပူးပေါင်းရင်းမြစ်များ

Karikani B'aai 3:11

Ao E titirakinna te Atua ni kaangai, “Antai ae e tuangko b'a ko bebeekan? Ko a tia ni kana uaan te kai are I tuangko b'a ko na aki kanna?”

2.Tamuera 12:11

Ane e na iai mai buakoia am utu ae e na karika te kanganga ae e korakora nakoim, ao N na anaiia buum ma n anga nakon te m'aane temanna i bon i matam. Ane e na matu ma ngaiia ngke a bon matakuakinaki irouia.

2.Tamuera 12:9

E aera ngkai ko aki ongotaeka irou ao ko karaoa te b'ai ae rangi ni kakamaaku? Ko tiringa Uria are kaain Eta ngke ko anga b'a e na tiringaki irouia kaain Ammon, b'a ko aonga ni konaa n anaa buuna.

1.Uea 22:38

Ao a kaitiaka ana kaanibuaka tabeman taani m'akuri i rarikin te koburake n ran are i Taamaria, ao a tebokia taian kabekaau ni kaitiakia n raraana. A newenewea raraan Aaba ake n te tano taian kamea, n aron are e a tia n taekinna te UEA.

2.Uea 10:10

Ongora irou. A na riai ni bane ni koro bukin ana berita ana toro te UEA are Eria i bukiia ana utu Aaba.”

2.Uea 10:7

Ao ngke a wareka ana kauoua n reta Ieu aomata akekei, ao a weteia ana kariki Aaba ake itingaun ni kabane. A tiringiia, ao a nnei atuiia i nanon te b'aatiketi, ao a kanakoi nako Ietireera.

2.Uea 6:32

Ao i mwiin aei, ao e kanakoa temanna te tia uarongorongo nakon Eritai. E boni mena Eritai n ana auti n te tai anne, ao e kabowi ma taani kairiiri aika a kakannato i aon Iteraera. I m'aain rokon ana tia uarongorongo te uea, ao e a kaman tuangiia taani kairiiri Eritai ni kaangai, “E a kanakoa temanna b'a e na korea roroau te tia tiriaomata arei. Kaina te mataroa ngkana kam nooria, b'a e na aki rin. Ane e na bon ri mwiina naba te uea.”

Etita 7:10

Ao e anaaki Aaman ni kabaeaki roroana i aon te kainikabaeroroa are e na kabaea iai roroan Morotekai, ao e a toki unin te uea.

Iobi 31:39

Ngkana tao I a tia ni kana te am'arake ae reke maikekei, ma ni karika te tia ununiki are e unikia b'a e na mate ni baki i bukin anne,

Taian Areru 68:23

B'a kam aonga n nakonako i buakon te raraa, Ao ami kamea a na newenewea te raraa n ai aron tokin nanoia.

Taian Areru 9:13

Te UEA, Ko na nanoangaai! Noora b'ainikirinau irouia ake a ribaai. Kararoaai man te mataroa are e kaineta te mate,

Taian Areru 9:16

E kaotia te UEA n arona ae boni kororaoi ni motikitaeka n te eti, ao a manga boni m'ane aomata akana buakaka n oin aia m'akuri.

Ieremia 34:6

Ao I m'ananga nakon Tetekia ao I tuanga te b'ai are E taekinna te UEA.

Etekiera 46:18

E na aki riai te tia tautaeka ni kabuakakaia Au aomata n anaa te aba mairouia. E na riai ni bon oin abana te aba are e na anga nakon natina.

Ab'akuka 2:12

Ko na b'aka, b'a ko aana am kaawa ni m'akuri aika bure, ao ko kateia n te tiritiri.

Ab'akuka 2:9

Ko na b'aka. Ko kab'aib'aia am utu man baika ko karekei n te iowawa. Ko a tia ni kataia ni kamanoa man te kabuanib'ai, ao te kangaanga.

Mataio 7:2

B'a te motikitaeka ni kabuakaka are kam kabongana i bukiia aomata, ao ane E na manga motiki taekami ni kabuakakaingkami iai te Atua; ao kawai ake kam kabonganai b'a b'aini bairean motikan taekani kabuakakaia, E na kabonganai te Atua b'a b'aini baireani motikan taekami ni kabuakakaki.

Tani Motiki-taeka 1:7

ao e taku, “I a tia ni koroi waebuan baiia ma waeiia uea ake itingaun ma ni karaoia b'a a na kawakawa i aan au taibora i bukin kakaean kanaia. Ao ngkai E a kabooa mwiin aei te UEA nako iu.” Ao a kaira uean Beteka tautian Iuta nako Ierutarem, ike e a mate iai.