1.Uea 21:11 - Te B'aib'ara

¹¹ Ao i mwiin reken ana reta, ao a karaoi raoi b'aai ni kabane ake e taekin.

1.Uea 21:11 ပူးပေါင်းရင်းမြစ်များ

1.Uea 21:10

Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:12

Ao a tuangiia aomata b'a bon te bong n aki am'arake, ao ngke a bane ni ikotaki, ao a katekateka Naabota i moa.

2.Rongorongo 24:21

E m'aninga Ioati ae bon te rao ae e a tia n rangi ni kakaonimaki taman Tekaria. Ma ngaia are, ngke a iangoa tiringakin Tekaria kaain Iuta, ao e bon raoniia naba Ioati ma n anga taiani babaaire b'a e na kareaki n atiibu ni karokoa matena i nanon katawanangin te Tembora.

Te Otinako 1:17

Ma bon aomata aika mamaaka te Atua taani kabung akekei, ma ngaia are, a aki ira nanon te uea, ao a boni kamaiuia naba ataei aika mm'aane.

Te Otinako 1:21

ma ngaia are, E karekea aia utu, ao a rikirake ni m'aiti Iteraera ma ni korakora.

Taeka n Rabakau 29:12

E a tia ni uruia aroia ana mataniwi te tia tautaeka ae e ongongo n taiani kewe.

Taeka n Rabakau 29:26

A m'aiti ake a kataia ni iraorao ma taan tautaeka, ma e roko te eti mairoun te UEA.

Itaia 59:14

E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Otea 5:11

E korakora manatuan Iteraera. E bon reke nakoia te b'ai ae a tangiria ma i mwiin taromaurian taian bouananti aika akea manenaia.

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Mika 6:16

E na riki aei nakoim i bukina ngke ko katotoong ana m'akuri te uea are Omri, ma natina naba are te uea are Aaba. Ko reitanako aia m'akuri, ma ngaia are, N na uruko, ao a na bane ni kakeaa manenam aomata nako. Bon akea temanna ae e na karineko.

Mataio 2:12

Ao a okira abaia n te kawai teaina, i bukina ngke a tia n tuangaki n te mii iroun te Atua b'a a na aki okira Erote.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

M'akuri 4:19

Ma e kaekaia Betero ma Ioane ni kaangai, “Kam na karekei ami iango b'a e nga ae e raoiroi riki i matan te Atua: iran nanomi ke iran nanon te Atua;

M'akuri 5:29

Ao a kaeka Betero ma taan tuatua ni kaangai, E riai riki iran nanon te Atua nakon iran nanoia aomata.

1.Tamuera 22:17

Ao i mwiina, e taku nakoia ana taan tararuaia ake a teitei i rarikina, “Tiringa ana ibonga te UEA! E iango ni kam'ane ma Tawita ao e aki tuangai ae e biri nako, e ngae ngke e a bon tia n ataia mai m'aaina.” Ma a rawa taan tararuaa te uea n tiringa ana ibonga te UEA.

1.Tamuera 23:20

I ataia te uea ae ko karineaki b'a ko rangi ni kan karekea iroum; ma ngaia ae ko na nako mai nako abara, ao ti na kam'anea nakoim.”