1.Uea 21:10 - Te B'aib'ara

¹⁰ Ao karekeia uoman aomata aika taani kewe aika a na mena i rarikin Naabota ni kaaitaraa ao a na taetae n tuea b'a e a tia Naabota n taetaebuaka te Atua ao te uea. Ao i mwiina, kaotinakoa Naabota ao karebanaia n taian atiibu ni karokoa matena. Ao e tiainaa n aran Aaba ao e titamb'anna naba n ana titamb'a. Ao e a kanakoa nakoia taani kairiiri n te kaawa.

1.Uea 21:10 ပူးပေါင်းရင်းမြစ်များ

2.Tamuera 20:1

Ao e mena ikekei te tia kamangao man te baronga are Beniamin. Arana bon Tieba are natin Bikiri te m'aane. E katanga te bu b'a e na botiia aomata. Ao i mwiina, e taku, “Kaain Iteraera, Ai tiaki ara Uea Tawita are natin Iete te m'aane! Ti a nako n okiri mwengara.”

1.Uea 21:11

Ao i mwiin reken ana reta, ao a karaoi raoi b'aai ni kabane ake e taekin.

1.Uea 21:9

Ao e kaangai kanoan ana reta: Weteia aomata ni kabane, ao tuangiia b'a a na aki am'arake n te bong aei. Ao ngkana a bane ni ikotaki ao katekateka Naabota mai i moa.

2.Uea 6:32

Ao i mwiin aei, ao e kanakoa temanna te tia uarongorongo nakon Eritai. E boni mena Eritai n ana auti n te tai anne, ao e kabowi ma taani kairiiri aika a kakannato i aon Iteraera. I m'aain rokon ana tia uarongorongo te uea, ao e a kaman tuangiia taani kairiiri Eritai ni kaangai, “E a kanakoa temanna b'a e na korea roroau te tia tiriaomata arei. Kaina te mataroa ngkana kam nooria, b'a e na aki rin. Ane e na bon ri mwiina naba te uea.”

Iobi 1:5

E aki toki n ututi Iobi ni karangainan te bong are i mwiin aia baka natina akekei n anga ana karea i bukiia natina n tatabemaniia nako b'a aonga ni kaitiakaki. E kakaraoa aei i bukina ngke e tataku n ana iango b'a n ae e a tia natina temanna ni kamatauninga te Atua n tiaki nanona.

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Taeka n Rabakau 6:19

aomata aika a b'anga ni kewe n te kabowi ke a kaakariki taian kiriwe n te utu.

Itaia 59:14

E mena te motibuaka n taabo nako; E taraa n raroa nako te motiraoi. E kakioaki nako te koaua man te boowi ni kaburebure; e butuaki nako te raoiroi.

Nakoaia Ibonga 24:14

E a tia n taetaebuakai teuaei. Uotia nako tinanikun te maeka ao a na katokai baiia taani kakoaua i aon atuna. Ao i mwiina tuangiia Iteraera ni kabane b'a a na karebanaia n atiibu ni karokoa matena.

Ioane 10:33

A kaeka ao a kaangai, “Tiaki i bukin te m'akuri ae e raoiroi ae ti na karebanaiko iai, ma i bukin am taetae ni bakanatua; ao i bukina naba b'a bon te aomata Ngkoe, ao Ko kan riki n Atua.”

M'akuri 6:11

Ma ngaia are, a kaboia aomata tabem'aang b'a a na atonga ae kaangai, “Ti ongo ana taeka n eekaanako Mote ma te Atua!”

M'akuri 6:13

ao a kateia taani kaotioti aika kewe, ao a kaangai uakekei, “E aki toki te aomata aei n taekin taeka aika aki raraoi i bukin te tabo ae tabu aei, ma te Tua;

Te Tua-Kaua 13:13

Ane kam na ongo aia taeka aomata aika akea manenaia n tuangiia aomata ni kabane b'a a na taromauriia anti riki tabeman, e ngae ngke bon akea te b'ai ae a tia ni karaoia anti aikai i bukiia.

Te Tua-Kaua 19:15

A na ti kakoauaaki aia kaotioti uoman taani kakoaua i bukin motikantaekaia aomata.

Tani Motiki-taeka 19:22

Ao a rangi ni kukurei n te tairiki arei, ngke a ti roko naba kaain te kaawa arei ni katobibia aia auti ma n ororea mataroan te auti ma n takaarua ni kaangai, “Kaotinakoia aomata akana a roko n am auti n te tairiki aei b'a ti na bure ma ngaiia.”

1.Tamuera 2:12

Bon taian ibonga natin Eri ake m'aane, ma a aki ongotaeka, ao aki kakaonimaki nakon te UEA.