1.Uea 20:7 - Te B'aib'ara

⁷ Ao e tewea ana boowi Aaba ma taani kairiiri i aon Iteraera ao e taku, “E karika te kaangaanga ae e korakora Benatata. E tuangai b'a N na anganna buu ma natiu, n ikotaki ma au koora ma au tirewa, ao I kariaia.”

1.Uea 20:7 ပူးပေါင်းရင်းမြစ်များ

1.Uea 20:6

Ma ngaia ae, nakon te ingabong n taina naba aei, ao N na kanakoia au aobitia nakon am kaawa b'a a na tuoa am bareti ao aia auti am aobitia. A na anai b'aai ni kabane akana ko b'ain.”

1.Uea 20:8

Ao a taku taani kairiiri, “Ko na aki ongo i rouna. Ko na aki karaoa te b'a are e taekinna.”

1.Uea 21:8

Ao e kororeta Nei Ietebera nakoia taani kairiiri n tatabemaniia nako n te kaawa are e maeka iai Naabota.

1.Uea 8:1

E kaawakinaki ngkoa te Atiniberita i aon te Maunga are Tion are e ataaki naba n arana are Ana Kaawa Tawita. Ma e tangiria Toromon b'a e na kam'ainga te Atiniberita nakon te Tembora ngke a bane ni mena aomata i Ierutarem ni bukamarua te Toa ae M'anganikaai i nanon te nam'akaina are Etanim, te kaitiua n nam'akaina n te ririki. Ao e botiia taani kairiiri aika a kakannato i aon Ierutarem Toromon.

2.Uea 5:7

Ngke e wareka te reta arei uean Iteraera ao e raeuai kunnikaina i bukin maakuna, ao e takaarua ni kaangai, “E boni kakoauaa ngkai uean Turia b'a I konaa ni katoka aorakin te aomata ae e reebera aei. N ana iango ngai te Atua ae iai m'aakau i aon te maiu ao te mate? E kataia ngkai ni kakaaea angan reken te buaka ma ngai.”

1.Rongorongo 13:1

I mwiin tabeua te tai, ao e maroroo Tawita ma mataniwiin ana taanga ni buaka,

1.Rongorongo 28:1

E tewea aia boowi taani kairiiri i aon Iteraera Tawita i Ierutarem, n reitaki ma Taani kairiiri man taiani baronga, mataniwin te tautaeka, taani kairiiri n te taanga ni buaka, mataniwi ake taan tararua ana b'ai te uea ao ana man, mataniwi n te bareti, ao taani buaka aika a ninikoria.

Iobi 15:35

Bon aikai aomata aika iaiangoi m'akuri ni kakiriwe aika buakaka. A onrake nanoia n taiani kewe.

Taian Areru 140:2

A iangoi waaki aika a buakaka ao a aki toki ni kairiki taiani kiriwe.

Taian Areru 36:4

E karioi iango aika bubuaka ngkana e wene ni nena ni wene; Akea te bae e karaoia ae na raoiroi, Ao e aki kona n riba te b'ai ae buakaka.

Taian Areru 62:3

Ai ti maanraa ngkami n eekaanako te aomata ae akea riki korakorana nakon te o ae e a ei nako b'a e nangi b'aka?

Taian Areru 7:14

Te aomata ae buakaka kanga ai aron te aine are nangi bungia natina ae te tia iowawa ao te tia kewe, ao te tia kakaitaraa naba.

Taeka n Rabakau 11:14

Bon te uruaki tokin te kaawa ae akea ana taani kairiiri aika a wanawana; e na kaawakinaki te kaawa ae a m'aiti ana taani kairiiri aika a wanawana.

Taeka n Rabakau 11:27

Karaoa am kabanea n raoiroi ni kakaraoa te raoiroi, ao ane a na reke raoraomi; ma te nakonako ni kakaaea te kiriwe, e na bon reke iroumi.

Taeka n Rabakau 24:2

Akea riki te b'ai ae a na iangoia ma n taekinna b'a ti te tiritiri ao te iowawa.

Taeka n Rabakau 6:14

A aki toki n iaiangoi baika a kam'araa ma ni buakaka, ao a karikirakei taian kiriwe.

Taniera 11:27

Ao i mwiina, ana kaai n tekateka n am'arake n te taibora ae ti teuana, ma a na ikam'aam'ane i boni i marenaia, ao a na keweia i boni irouia. Bon akea temanna mairouia ae e na koro bukin ana iango i bukina b'a e a tia te Atua ni bairei tokin maiuia.