1.Uea 20:42 - Te B'aib'ara

⁴² Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

1.Uea 20:42 ပူးပေါင်းရင်းမြစ်များ

2.Tamuera 12:7

Ao e taku Natan nakon Tawita: Boni ngkoe te aomata ae e kaub'ai! Ko na ongora ngkai nakon te b'ai ae E taekinna te UEA ae te Atua i bukim: “I rineiko b'a uean Iteraera. I kaawakiniko mairoun Tauro

1.Uea 20:34

Ao e taku Benatata, “N na kaoki taiani kaawa ake e anai tamau mairoun tamam. Ao ko konaa naba ni katei am tabo ni kabob'ai i Tamateko n aron tamau ngkai iai naba ana tabo ni kabob'ai i Taamaria.” Ao e taku Aaba, “Ngkana ko karaoi akanne nako iu, ao N na kanakoko ni kainaomatako.” Ao i mwiin arei, ao a tiainaa aia boraraoi n raoi, ao e kainaomata Benatata te uea are Aaba.

1.Uea 20:39

Ao ngke e rikekei Aaba, ao e takaarua te burabeti arei nakoina ni kaangai, “Te uea ae ko karineaki, ngke e bo te buaka ao iai ae e kaira te taenikai nako iu ao e tuangai b'a N na tarataraia b'a e na aki birinako. E tuangai naba b'a ngkana e birinako te taenikai, ao N na bon katuaeaki n tiringaki ke ni kab'aka 34 te kirokuraem te tirewa.

1.Uea 20:41

Ao e kawaekoa n taekaanako kabaean ubuna teuarei, ao e a kinaa Aaba b'a ngaia bon temanna mai buakoia burabeti.

2.Uea 6:24

Tabeua te tai rimwi riki, ao e a manga botiia ana taanga ni buaka ni kabane uean Turia are Benatata, ao i mwiina, a m'aati nako Taamaria ni buakanna.

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

Nakoaia Ibonga 27:29

E ngae n anne, ma aomata ake a tia ni beritanaki nako Iu n aron aei a na boni kamateaki.

1.Tamuera 28:18

Ko a tia n aki ongotaeka nakon ana tua te UEA ao ko aki tiringiia ni kabane kaain Amareka ma aia b'ai ni kabane. Ao bon anne ngkai ae E nang karaoia te UEA nakoim.