1.Uea 20:34 - Te B'aib'ara

³⁴ Ao e taku Benatata, “N na kaoki taiani kaawa ake e anai tamau mairoun tamam. Ao ko konaa naba ni katei am tabo ni kabob'ai i Tamateko n aron tamau ngkai iai naba ana tabo ni kabob'ai i Taamaria.” Ao e taku Aaba, “Ngkana ko karaoi akanne nako iu, ao N na kanakoko ni kainaomatako.” Ao i mwiin arei, ao a tiainaa aia boraraoi n raoi, ao e kainaomata Benatata te uea are Aaba.

1.Uea 20:34 ပူးပေါင်းရင်းမြစ်များ

1.Uea 15:20

Ao Benatata, e karaoa te b'ai are e buubutii iai Ata ao e kanakoia tautian Turia nako Iteraera. A taua te kaawa are Iion, Taan, ao Abera-Betamaaka, ao aban Kinnerota ao Nabetari.

1.Uea 20:33

Ao a kataia ana taani kairiiri Benatata ni kakaea raoi ana iango Aaba, ao ngke e kaangai, “Tariu,” ao a waekoa ni kaangai, “E boni koaua. Bon ti te bo ma taari ngkoe ma Benatata.” Ao e taku Aaba, “Naako kairiia mai.” Ao ngke e roko Benatata, ao a kaai n tam'arakea te kaanibuaka.

1.Uea 20:42

Ao e taku te burabeti, “E bon tuangko ngkoa te UEA b'a ko na tiringa Benatata, ma ko a tia ni kainaomata. Ao ngkai ko nangi manga tiringaki n onea mwiina, ao a na tiringaki naba am aomata n onea mwiia ana aomata.”

1.Uea 22:31

E a tia uean Tiiria n tuangiia 32 mataniwiia ana taan buaka n taian kaanibuaka b'a ana tii buakana Aaba.

2.Rongorongo 16:4

Ao Benatata, e karaoa te b'ai are e bubutiia Ata ao e kanakoia ana taanga ni buaka Turia nako nanon Iteraera. A taua te kaawa are Iion, Taan, Abera-Maim, ao kaawa ni kabane ake i Nabetari ake a kaawakinaki iai b'aai.

2.Rongorongo 18:30

Ao e a tia uean Turia n tuangiia ana mataniwi n taiani kaanibuaka b'a a na ti buakana Aaba.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Itaia 8:12

Ko na tai boboota te iango ni kamangao ti i bukina ngke a karaoia, ao tai maaka te b'ai teuana, ti i bukina ngke a maaku.

Te Tua-Kaua 7:2

E na buokingkami te UEA ni kanakoia man te aba. Ao i mwiina kam na tiringiia n aki manga nanoangaiia teutana. Kam na aki karaoa te boraraoi n raoi ma ngaiia,

1.Tamuera 11:1

N te tai aei, Ao e roko te uea are Naati ma ana taanga ni buaka ni katobibia te kaawa are Iabeti i Kireata. Ao a tuanga Naati ni kaangai, “Ngkana ko tiainaa te boraraoi n raoi ma ngaira, ao ko na riki b'a te tia tautaeka, ao ti na kab'aka te taekiti nako im.”

1.Tamuera 15:8

Ao a bane n tiringaki kaain Amareka, ao ti nikirana te uea are Akaaka.

1.Tamuera 15:9

Ao Tauro ma ana taanga ni buaka a kamaiua Akaaka, ao kamaiuia naba taian tiibu ma taiani kao aika rangi n raoiroi. A bon aki kan kamaunai b'aai aika manena, ma ngaia are, a tiringi naba maan aika akea bonganaia, ao aika mamaara.