1.Uea 20:31 - Te B'aib'ara

³¹ Ao e taku temanna ana taani kairiiri, “Te uea ae ko karineaki, ti ongo b'a a bon aki konaa n urua aia berita uean Iteraera. Ma ngaia ae, ti na niniira koreara n taiani baeki aika a mka, ao taian roobu i aon atuura, ao ti a bubutiia Aaba b'a e na aki tiringko.”

1.Uea 20:31 ပူးပေါင်းရင်းမြစ်များ

Karikani B'aai 37:34

Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan.

2.Tamuera 14:2

ma ngaia are, e kanakoa temanna b'a e na kaira te aine ae e wanawana are e maeka i Tekoa.

2.Tamuera 3:31

Ao e tuangiia aomata ni kabane ake raonna ni kaangai, “Kaota nanokawakimi n raeuai kunnikaimi ao ni karin kunnikai aika a mangaingai! Kam na nakonako ririmoan Abenera ao kam na tang!” E nakonako Tawita i akuun te b'ai are e uouotaki iai rab'atan Abenera.

1.Uea 20:23

Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 20:32

Ao a karin taiani baeki aika mka, ao a katokai taian roobu i aon atuuia, ao a nako ni kawara Aaba ao a taku, “E buubutiiko am toro are Benatata b'a ko na aki tiringnga.” Ao e taku Aaba, “E boni maiu? Bon ti te bo tangiran Benatata ma tariu.”

2.Uea 5:13

Ao e kawaria ana tia m'akuri ao e taku nako ina, “Teuae ko karineaki! Ngkana e tuangko te burabeti b'a ko na karaoa te b'ai ae e kangaanga arona, ao ko na boni karaoia naba. Ao bukin tera ngkai ko na aki karaoa te b'ai ae e tuangko? Naako tebotebo ao e na toki aorakim.”

2.Uea 7:4

Bon akea te am'arake ae e na reke i nanon te kaawa, ao ti na boni mate ni baki ngkana ti rin nako. Ae ti na boni mate naba ngkana ti tiku i tinaniku ikai. Ti a nako nakon aia kaemb'a aia taanga ni buaka kaain Turia, ma n anga ngaira nakoia. Ane a na tiringiira, ke a na aki.”

Etita 4:16

Naako botiia I-Iutaia ni kabane i Tutian, ao karaoa te aki mamatam, ao te tataro i buku. Kam na aki kana te b'ai teuana ma ni mooi teutana i nanon tenibong. Ao ti na karaoa naba ae ai aron anne ma au toro aine. Ao i mwiin anne, ao N na nako ni kawara te uea, e ngae ngkana e tabuaki n te tua. Ngkana arona b'a N na mate ni karaoan aei, ao N na boni mate.

Iobi 2:4

Ao e taku Tatan, “Ane na bon kaaki taekan b'aai ni kabane te aomata i bukin iangoan maiuna.

Taian Areru 69:11

Ngke I kunnikaiai ni kunnikaiu are b'ain te nanokawaki, Ao a ngareakinai iai.

Taeka n Rabakau 20:28

A kaawakinaki taan tautaeka n ana akoi ma ana kakaonimaki te Atua, ma a riai ni b'aina te akoi b'a e aonga n teimaan abanueaia.

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Itaia 22:12

Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 37:1

Ao ngke e ongo naba te rongorongo arei Etekia, ao e raeuai kunnikaina i bukin rawaawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA.

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”