1.Uea 20:29 - Te B'aib'ara

²⁹ Ao a kaai n tiku n aia kaemb'a taanga ni buaka aika uoua aikai i nanon itiua te bong ni kakaitaraa. Ao e a bo te buaka n te kaitiua ni bong, ao i m'ain bungin taai, ao Iteraera a tia ni kamateia 100,000 tautian Turia.

1.Uea 20:29 ပူးပေါင်းရင်းမြစ်များ

Karikani B'aai 25:20

Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an.

2.Tamuera 10:18

Ao a buaka kaain Aram, ma a biri nako mairouia Iteraera. E tiringiia itibubua taani kabuti taiani kanibuaka ao abwi tengaa taani buaka mai aoia aoti. Ao e bon tiringa naba Tiobaka, ma mataniwiin aia taanga ni buaka.

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

1.Uea 20:30

Ao a biri rikaaki nikiraia kaain Turia nako Abeki, ma e a manga b'aka oon te kaawa ao a manatua ni mate iai 27,000. Ao e biri nako naba Benatata nako Abeki ao e karabaa n te ru teuana i tinanikun te auti.

2.Uea 13:17

ao e taku, Kauka te winto ane e kaaitaraa mainiku. Ao ngke e uki, ao e takaarua Eritai ni kaangai, Ani katebe. Ao e katebenakoa te kainikatebe Ieoati ao e taku Eritai, Te kainikatebe anne bon te kanikina b'a E na buokiko te UEA ni kataenikaiia kaain Turia i Abeki.

2.Uea 13:25

E buakana Turia uean Iteraera are Ieoati, ao e kataenikaia tenua te tai. E kaoka mairoun Bentata kaawa ni kabane ake e taui ngkoa Ataera n te buaka mairoun tamana are Ieoaati.

2.Rongorongo 13:17

nimabubua te ngaa aia taanga ni buaka taiani kairiribai.

2.Rongorongo 28:6

E buakana Iuta uean Turia ao e anai aomatana aika a bati mai iai nako Tamateko b'a taian taenikai. Rimwi riki, e kataenikaiia kaain Iuta uean Iteraera are Bika ma n tiringiia tebubua ao uabwi te ngaa mai buakoia ana tautia ake a ninikoria n teuana te bong.

Taian Areru 10:16

Te UEA bon te King n aki tootoki. A na bane ni kiitana abaia aomata ake a toro irouia atua tabem'aang.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Iotua 6:15

Ao a utim'aaka ni kaarangainan te kaitibong, ao a manga m'ananga naba ni katobibia te kaawa ma n te tai ngkanne aei ai itiua te tai m'anangaia ni katobibia te kaawa. Bon ti aio te bong are a kaitiua iai te tai m'anangaia ni katobibia Ieriko.

1.Tamuera 17:16

Ao e otioti nako Koria ni katoa ingabong ni kakaotinakoia i nanon 40 te bong.