1.Uea 20:28 - Te B'aib'ara

²⁸ Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

1.Uea 20:28 ပူးပေါင်းရင်းမြစ်များ

2.Tamuera 10:13

Ao a buakaniia kaain Aram Ioaba ma ana tautia, ao a biri nako kaain Aram mairouia.

1.Uea 13:1

N te bongi teuana, ao e teitei Ieroboam i rarikin te baonikarea are i Betaera, b'a e nang tauraoi n angakarea. Ao e karina n roko Ana burabeti te Atua mai Iuta ao e takaarua ni kaangai:

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

1.Uea 18:36

Ao ngke e a bo tain te angakarea n te tairiki, ao e tataro Eria ni kaangai: Ara UEA, Boni ngkoe Atuan Aberaam, Itaaka, ao Iteraera. Ko na kaotia raoi b'a boni ngkoe Atuan te botannaomata aei, ao ngai ae am toro I boni karaoa aei n am babaaire.

1.Uea 18:37

I butiiko b'a ko na kaekaai, b'a aonga aomata aikai n ataia b'a boni Ngkoe te UEA ae te Atua, b'a Ko aonga ni kaoki nanoia nakoim.

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 20:29

Ao a kaai n tiku n aia kaemb'a taanga ni buaka aika uoua aikai i nanon itiua te bong ni kakaitaraa. Ao e a bo te buaka n te kaitiua ni bong, ao i m'ain bungin taai, ao Iteraera a tia ni kamateia 100,000 tautian Turia.

2.Rongorongo 32:19

A taekina naba te UEA ae te Atua taian mataniwi akekei b'a kaanga ai aron te anti n aki akaaka ke te bouannanti ae e karaoaki iroun te aomata.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 79:10

E aera b'a a na kaangai nakoira botannaomata, “Engaa Atuam?” Ti na noriko ni kareke kaiia botannaomata i bukini katuuan raraaia am Toro.

Te Otinako 16:12

“I a tia n ongo ngurengureia Iteraera. Tuangiia b'a e na reke kanaia te iriko nakon te tairiki, ao e na reke kanaia te kariki ae bati nakon te moaningabong. Ao ane a na ataia b'a bon te UEA Ngai ae Atuaia.”

Te Otinako 6:7

N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita.

Te Otinako 7:5

A na ataia kaain Aikubita b'a te UEA Ngai ngkana e riki aei.

Te Otinako 8:22

N na kamaiuia kaain te aono are Koten, ike a maeka iai au aomata, b'a e na akea te nango iai. N na karaoa aei b'a ko aonga n ataia b'a I bon mena naba n te aba aei Ngai ae te UEA.

Itaia 36:20

Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Ieremia 14:7

Tiaki mutiakiniko ao ti karaoi baika a rangi ni buakaka ma e riai b'a ti na katuaaeaki. Ma ngkana Ko kamaiura, te UEA, ao a na bane n noora korakoram aomata ni kabane.

Etekiera 11:12

Ane kam na ataia b'a n iriiran aia tua botannaomata akana i rarikimi, kam bon aki ongotaeka iai nakon au tua ma au reirei. Ao bon te UEA Ngai!

Etekiera 12:16

Iai tabeman aika a na reke maiuia i mwiin te buaka, te mate ni baki, ao man te aoraki ae e kamaamate. Anne aroia are a na konaa iai n tuangiia iai ianena korakoran ribaakin aia bure, ao bon te UEA ae E katuaaia n aron aei.

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:9

Ma I taraa n ae I a tia ni kewe i bukina ngke I a tia n berita i mataia ni kabane b'a N na kairiia ni kaotinakoia mai Aikubita.

Etekiera 36:32

Kaain Iteraera, I aki karaoi aikai i bukimi. Kam aki toki ni bubure nako iu, ao kam bon riai ni kamaamaaeaki ao ni kab'ainrangaki n te b'ai ae kam a tia ni karaoia. Bon aei au taeka Ngai ae te UEA ae te Atua.

Etekiera 39:7

A na ataai Au aomata aika Iteraera, ao a na aki manga oki ni kamatauningaa Arau. A na bane aomata ni kabane aika i aon te aonnaba n ataai b'a bon te UEA Ngai ae Atuaia Iteraera ae I tabu.

Etekiera 6:14

N na karika abaia b'a te aba ae akea manenan kain aona, ni moa man Rereuan Maiaki nakon te kaawa are Ribera i meaang. Ao ane a na ataai bon Ngai ae te UEA ae I karaoi b'aai aikai.

Te Tua-Kaua 32:27

Ao I maaku ngke I ongo b'anaaia kairiribai aika kaangai, Ti kataenikaia Iteraera n akea Ana buobuoki te UEA.