1.Uea 20:23 - Te B'aib'ara

²³ Ao a m'ananga ana taani kairiiri Benatata ni kawara Benatata ao a kab'arab'ara aia iango ni kaangai: Bon antin aoni maunga atuaia Iteraera. Ti konaaki irouia i bukina ngke ti buakaniia i aon taian tabuki. Ma ngkana ti buakaniia i aon te tabo ae e boraoi, ao ti na bon aki konaa ni konaaki.

1.Uea 20:23 ပူးပေါင်းရင်းမြစ်များ

1.Uea 14:23

A boni karaoi naba oin aia baangota, ma taamnein anti Ianena n taian atiibu, ao a katei bouannanti i bukin taromaurian te anti are Nei Aatera i aon taian tabuki ao i aan nuun kaai aika a korakora.

1.Uea 20:24

Ao aei te b'ai ae ti na karaoia. Te moanib'ai ti na tiringiia moa uea ake 32 ao kaaki taiani mataniwi n tautia n onea mwiia.

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

1.Uea 20:31

Ao e taku temanna ana taani kairiiri, “Te uea ae ko karineaki, ti ongo b'a a bon aki konaa n urua aia berita uean Iteraera. Ma ngaia ae, ti na niniira koreara n taiani baeki aika a mka, ao taian roobu i aon atuura, ao ti a bubutiia Aaba b'a e na aki tiringko.”

2.Uea 19:12

Uean Aturia ake mai m'aaiu, a kamaunai kaawan Kotan, Aran, Reteba, ma kaain Eten ni kabane ake a maeka i Terata. Tera ae a karaoia antiia nakoia?

Itaia 36:20

Bon akea mai buakoia anti aikai aika a kamaiuia aia aomata mai roun uean Aturia. Kam taku b'a E na konaa ni karaoa ae e raoiroi riki te UEA ae Atuami?

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Ieremia 16:19

Ara UEA, boni Ngkoe ae Ko anganai te korakora ma ni kaawakinai kaanga te nono ngkana I reke n te kangaanga. Ane a na roko aomata ni kawarai man taiani botannaomata aika a raroa nako ao a na kaangai, A taromauri anti ni kewe aika a akea manenaia Ara bakatibu.

1.Tamuera 4:8

Ti a bon reke n te kangaanga ae moan te ab'ab'aki! Antai ae kona ni kamaiura mairouia atua aika m'aaka akekei? Bon taian atua naba ake a karaoi b'aai aika kakamaamate ngkoa nakoia kaain Aikubita i nanon te rereua.