1.Uea 20:22 - Te B'aib'ara

²² Ao i mwiina teutana, ao e okirikaaki te burabeti ni kauringa Aaba ni kaangai, “Ane e na manga buakaniko Benatata ni moan iteran te aumaiaki ae e na roko. Kamatoatoa riki am taanga ni buaka, ao kakoaua raoi b'a ko na karaua ni katea am kawai ae e nakoraoi.”

1.Uea 20:22 ပူးပေါင်းရင်းမြစ်များ

2.Tamuera 11:1

E a kaan banen bongin te aumeaang, bon taai are a naanako iai taian uea ni buaka. E kanakoa ana taanga ni buaka Iteraera ae e b'anin i aan ana kairiiri te kam'anta are Ioaba ma ana aobitia. A kamaunaa ana taanga ni buaka Ammon ao a otab'aninia atuun kaawan te tautaeka are Rab'a, ma e tiku Tawita i Ierutarem.

1.Uea 19:10

Ao e taku Eria, “Te UEA ae Moan te M'aaka, I aki toki ni kakabanea korakorau n ongongotaeka iroum. Ma a tia am Aomata n urui aia berita nakoim. A tia n urui am Baonikarea ao a tiringiia am Buraabeti, ao bon ti nikiraia ngai. Ao ngkai ae a boni kataia naba ni kan tiringai.”

1.Uea 20:13

Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 20:21

ma a taorimwiiaki irouia Aaba ma ana tautia ao a tauia aia aoti ma aia kaanibuaka. Ao e kaboraia kaain Turia Aaba ma tautian Iteraera.

1.Uea 20:26

Ao ngke a roko te aumaiaki, ao e a bootia ana taanga buaka Benatata, ao a m'aati nakon te kaawa are Abeki, ao a buakania Iteraera.

1.Uea 20:38

Ao e m'ananga nako te burabeti ao e kabaebaea ubuna b'a e aonga n aki kinaaki. Ao e nako n teitei i rarikin te kawai, n tataninga Aaba ngkana e rikekei.

1.Uea 22:8

Ao e taku Aaba, “Ti konaa naba n titirakina te burabeti are Mikaia are natin Imra, ma I rangi n ribaia b'a e aki toki n tataekin taeka aika a aki kakukurei nako iu.” Ao e taku Iotiab'ata, “Ko na aki taetae ni kaanganne.”

2.Uea 6:12

Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

1.Rongorongo 20:1

Ngke e a manga roko tain te aumeaang are i mwiina, te tai are e nako ni buaka iai taiani uea, ao e m'ananga nako Ioaba ni kaira ana taanga ni kamaunai kaawan Ammon ni kabane. E buakana te kaawa n tautaeka are Rab'a ma ni kiitanna ngke e a urubekebeke. Ma e bon tiku Tawita i Ierutarem.

2.Rongorongo 25:11

Ao i mwiina ngke e a manga reke korakoran Amatia, ao e a kaira ana taanga ni buaka nakon te M'arua are Taari, ike e a tiringiia tebwina te ngaa tautian Etom i nanon tain te buaka.

2.Rongorongo 25:8

b'a ane e na karaoia b'a kam na konaaki irouia ami kairiribai, e ngae ngkana kam kakorakoraingkami ni buaka. Boni Ngaia ae e kareerekea te tokanikai ao te konaaki.”

Taian Areru 27:14

Ko na kaantaninga te UEA, Ko na korakora ma n ninikoria; Ko na kaantaninga te UEA.

Taeka n Rabakau 18:10

Bon te taua ae e korakora te UEA ike a konaa ni biri nako iai ana aomata ni kamanoia

Taeka n Rabakau 20:18

Kakoaua raoi b'a e a reke iroum te taeka n reirei ae e raoiroi i m'aain karaoan am babaaire ke i m'aain waakinan am buaka.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 42:8

Arau bon te UEA! N na bon aki kariaia taian bouannanti ke aomata b'a a na ono ni mimitongiu ao neboau.

Itaia 8:9

Ngkami aika botannaomata aika ianena, waaki nako ao katauraoi nakon te buaka. ma ane ko na kamanatuaaki.

I-Ebeto 6:10

Te kabanea: kam na korakora i nanon te UEA, ao ni korakorani m'aakana.