1.Uea 20:21 - Te B'aib'ara

²¹ ma a taorimwiiaki irouia Aaba ma ana tautia ao a tauia aia aoti ma aia kaanibuaka. Ao e kaboraia kaain Turia Aaba ma tautian Iteraera.

1.Uea 20:21 ပူးပေါင်းရင်းမြစ်များ

1.Uea 20:20

ao a buaka ngaiia ni kabaneia man tiringiia tautia ake aia kairiribai. Ao nikiraia tautian Turia a rairaki man birinako, ao a rimwiaki nako irouia Iteraera. Ao Benatata ma tabeman a birinako i aon taian aoti,

1.Uea 20:22

Ao i mwiina teutana, ao e okirikaaki te burabeti ni kauringa Aaba ni kaangai, “Ane e na manga buakaniko Benatata ni moan iteran te aumaiaki ae e na roko. Kamatoatoa riki am taanga ni buaka, ao kakoaua raoi b'a ko na karaua ni katea am kawai ae e nakoraoi.”

2.Uea 3:18

Ti aki ti anne te b'ai ae e uarereke ae E na karaoia te UEA. E na boni buokingkami naba ni kataenikaia kaain ana taanga ni buaka Moaaba.

2.Uea 3:24

Ma ngke a roko n aia kaemb'a Iteraera, ao a otinako naba tautian Iteraera ni buakaniia, ni karokoa a rairaki rikaaki ni biri nako. Ao a iriia nako Iteraera ni kakioia ni karokoa i Moaaba, ao a boni buakaniia naba.

Iotua 10:20

Ao a bane n tiringiia aomatan Amoraite Iotua ma ana tautia, ma ti tabeman mai i buakoia ake a reke maiuia ngke a biri nako ni karabaia n nonon aia kaawa.

Tani Motiki-taeka 11:33

Ao Iebeta ma ana taanga ni buaka a kataenikai 20 kaawa ake i marenan Aroera ma Minnita, ao tabeua riki ni karokoa Abera Keramim. Ao i mwiin anne, ao a aki manga kona ni buakaniia riki Iteraera kaain Ammon.

Tani Motiki-taeka 3:28

Ao a bane ni bootaki Iteraera, ao e takaarua ni kaangai, “Kam na irai, ao E na buokingkami te UEA ni kataenikaia kaain Moaaba.” Ao a ira Euta Iteraera nakon te karaanga are te Ioretan, ao a taui taabo ake a riri nanon te Ioretan iai aomata are te kawai nako Moaaba. A bon tuukia aomata b'a akea ae na ri nanona,

1.Tamuera 17:52

Ma a takaarua Iteraera ma Iuta ao a kakioia ni karokoa Kata ao Ekeron. Ao e wenerua rab'ataia kaain Biritia i nanon te kawai mai Taaraim nako Kata ma Ekeron.

1.Tamuera 19:8

Ao i mwiina, e a teirake te buaka ma kaain Biritia, ao e kakorakora Tawita ni buakaniia ni uaa a birinako.