1.Uea 20:15 - Te B'aib'ara

¹⁵ Ma ngaia are, e a bootia 232 tautia aika rorobuaka ao 7,000 tautian Iteraera te uea are Aaba, ao e katauraoia nakon buakanakin Turia.

1.Uea 20:15 ပူးပေါင်းရင်းမြစ်များ

1.Uea 19:18

Ma boni iai 7,000 m'aitiia Iteraera aika a rawa n taromauriia B'aara, ao boni ngaiia aika a na maiu.

1.Uea 20:14

Ao e taku Aaba, “Antai aika a na buaka?” Ao e taku te burabeti, “Bon rorobuaka ake taan tararuaia aobitia n aono.” Ao e a manga taku Aaba, “Ma antai ae e na kairiia nakon te buaka?” Ao e taku te burabeti, “Ko na kairiia.”

1.Uea 20:16

Ao ngke e a tawanou, ao a m'aati te uea are Aaba ma tautian Iteraera nako Taamaria ma ana tautia ake rorobuaka mai i moa.

2.Uea 13:7

A teimatoa Iteraera ni buubure ma ni katotongiia ana utu Ieroboam. A aki roko n te urui taiani bouananti ake a tia ni kateaki i Taamaria i bukin taromaurian te anti are Nei Aatera.

2.Rongorongo 14:11

E tataro Ata ao e taku: Te UEA ae te Atua, bon ti ngkoe ae ko konaa ni buoka te taanga ni buaka ae akea korakorana ma ni katokanikaia i aon ae korakora. Ma ngaia ae, ti onimakinna b'a ko na buokiira. Ti na buakana te taanga ni buaka ae korakora aei i bukin neboan aram, ao ti ataia b'a ko bon aki konaa ni konaaki. Bon te UEA ae Atuara ngkoe.

Taian Areru 33:16

E aki tokanikai te uea i bukina b'a e korakora ana taanga ni buaka; Ao e aki tokanikai te tautia i bukini korakorana.

Tani Motiki-taeka 7:16

Ao e bwenaua ana taanga ni buaka Kiteon nakon 3 te m'akoro aika 100 kaain tekorakina, ao e katoaia tautia ma aia bu, ao te tiaeki te kaatibu ae buubura ae te taura i nanona.

Tani Motiki-taeka 7:7

Ao E taku te UEA, “Kiteon, ko na anaiia aomata ake a itiia te ran ni baiia ma n newenewe ni mooi mai iai. Ao kaokiia akana nikiraia nakoni mwengaia. N na buokiko ni kamaiuia Iteraera, ao ni buokiia naba te taanga ni buaka are 300 m'aitiia ni kataenikaiia kaain Miiria.”

1.Tamuera 14:2

are kaemb'a i aan te kai ae te bomkuranete i Mikeron, ae aki bati n raroa mai Kibea; ao iai ana taanga ni buaka aika 600 i rarikina.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”