1.Uea 20:13 - Te B'aib'ara

¹³ Ao ni bon te tai naba arei ao e biri rake te burabeti nakon Aaba ao e taku, “I nooria b'a e rangi ni korakora ana taanga ni buaka Benatata. Ma E a tia te UEA ni berita b'a E na buokiko ni kataenikaiia n te bong aei. Ao ko na ataia ikanne b'a E bon baairei b'aai ni kabane te UEA.”

1.Uea 20:13 ပူးပေါင်းရင်းမြစ်များ

2.Tamuera 10:13

Ao a buakaniia kaain Aram Ioaba ma ana tautia, ao a biri nako kaain Aram mairouia.

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

1.Uea 20:14

Ao e taku Aaba, “Antai aika a na buaka?” Ao e taku te burabeti, “Bon rorobuaka ake taan tararuaia aobitia n aono.” Ao e a manga taku Aaba, “Ma antai ae e na kairiia nakon te buaka?” Ao e taku te burabeti, “Ko na kairiia.”

1.Uea 20:22

Ao i mwiina teutana, ao e okirikaaki te burabeti ni kauringa Aaba ni kaangai, “Ane e na manga buakaniko Benatata ni moan iteran te aumaiaki ae e na roko. Kamatoatoa riki am taanga ni buaka, ao kakoaua raoi b'a ko na karaua ni katea am kawai ae e nakoraoi.”

1.Uea 20:28

Ao e nakon Aaba te burabeti ao e taku, “A taku kaain Turia b'a Atuan taian tabuki Atuaia Iteraera ao tiaki Atuan taiani m'arua. Ma ngaia ae, E a tia ni berita b'a E na buokiko ni kataenikaia te taanga ni buaka ae e korakora aei. Ao ko ane ko na ataia b'a E baairei b'aai ni kabane te UEA.”

2.Uea 13:23

Ma E ataataiaomata te UEA nakoia Iteraera ao e kaota te akoi nakoia i bukin ana berita ngkoa nakoia aia bakatibu ake Aberaam, Itaaka, ao Iakob'a. E bon tuai man tannako ke ni kariaia b'a a na kamaunaaki n tiringaki.

2.Uea 3:18

Ti aki ti anne te b'ai ae e uarereke ae E na karaoia te UEA. E na boni buokingkami naba ni kataenikaia kaain ana taanga ni buaka Moaaba.

2.Uea 7:1

Ao e kaeka Eritai ao e taku, “Iai te rongorongo nakoim. E berita te UEA b'a ane ko na konaa ni kabooa te baeki ni buraawa ae e buubura ke uoua taiani baeki ni b'aare naba aika a buubura nakon te ingabong i aon Taamaria ikai n te boo ae moan te uarereke.”

2.Rongorongo 20:15

Ao e taku Iaatiera: Teuae ko karineaki, ao kaain Iuta ma Ierutarem ni kabane, e taku te UEA b'a kam na aki riai ni maaku, ke ni b'arannano n te taanga ni buaka ane e korakora anne. E na buaka te UEA man ami itera!

2.Rongorongo 20:17

Kam na aki buaka. Kam na ti tei ni nnemi ma ni mataku ngkana E kamaiungkami te UEA mairouia ami kairiribai. Kam na aki maaku. Kam na ti karaoa ae kam tuangaki. Ao ngkana kam m'aati n ingabong, ao e na raoni ngkami te UEA ikekei.

Taian Areru 83:18

A na ataiko b'a Ngkoe ae te UEA, bon ti Ngkoe ae Moan te Rietaata i aonnaba ni kabane!

Te Otinako 14:18

Ngkana I konaiia, ao a na bon ataia iai kaain Aikubita b'a bon te UEA Ngai.”

Te Otinako 16:12

“I a tia n ongo ngurengureia Iteraera. Tuangiia b'a e na reke kanaia te iriko nakon te tairiki, ao e na reke kanaia te kariki ae bati nakon te moaningabong. Ao ane a na ataia b'a bon te UEA Ngai ae Atuaia.”

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Etekiera 20:14

Ma N na bon ngareakiniia iai, i bukina b'a a tia n noorai botannaomata aika a bati ni kaotinakoia Iteraera mai Aikubita.

Etekiera 20:22

Ma I bon aki. B'a N na bon ngareakinaki iai irouia botannaomata nako ake a tia n noorai ni kaotinakoia mai Aikubita.

Etekiera 6:7

A na bane ni mate aomata ni kabuta te aba. Ao aika a reke maiuia a na ataia b'a boni Ngai ae te UEA ae I karaoi b'aai aikai.

Ioera 3:17

Bon te UEA Ngai ae Atuami. Ao kam ataia b'a I maeka i aon Tion, b'a e aonga n tabu Ierutarem, ma n aki kuukuneaki n aia taanga ni buaka ianena.

Iotua 10:8

E taku te UEA nakon Iotua, “Tai maakuia I a tia n anganingkami te tokanikai i aoia. Bon akea temanna mai i buakoia ae e na konaa ni kaaitarai ngkami.”