1.Uea 20:12 - Te B'aib'ara

¹² Ao a tabe ni mooi manging Benatata ma uea ake raona i nanon aia autinrianna. Ma ngke e roko ana kaeka Aaba, ao e a tuangiia ana tautia b'a a na katauraoia nakon buakanakin Taamaria, ao a bane n tauraoi.

1.Uea 20:12 ပူးပေါင်းရင်းမြစ်များ

2.Tamuera 13:28

Ma e tuangiia ana taan m'akuri b'a a na kaaki mataia i aon Amnon. Ngkana e a reke angina teuana n te wain ma ni kukurei, ao N na anga te kanikina. Ao ngkami, kam a tiringnga naba! Boni Ngai ae I tuangkami b'a kam na karaoia, ma ngaia are, kam na aki maaku. Kam na korakora ao kam na ninikoria.”

1.Uea 16:9

Ao e tararuai iteran ana kaanibuaka Era ana mataniwi temanna are Timri. E iaiangoa tiringan Era te mataniwi are Timri. N te bong teuana ao e mena Era i Tireta, e tabe ni mooi manging n ana auti Areta are ana buraiminitita.

1.Uea 20:16

Ao ngke e a tawanou, ao a m'aati te uea are Aaba ma tautian Iteraera nako Taamaria ma ana tautia ake rorobuaka mai i moa.

Ieremia 43:10

Ao i mwiina, ko na tuangiia b'a bon Ngai ae te UEA ae Moan te M'aaka ae Atuaia Iteraera, ae I kanakoa Au tia m'akuri, ae Nebukaneta ae kaain B'aburon. N na karokoa ikai mani karaoia b'a e na katea ana kaintokanuea ma ana autinrianna n uea i aon atiibu aikai, aika I a tia n tuangko b'a ko na tauni.

Taniera 5:2

Ao ngke a tabe ni mooi, ao e tua Beretiata b'a a na uotaki nakoina taiani koora ma m'angko ma boora ake taian tirewa ake e anai tamana are Nebukaneta man te Tembora are i Ierutarem. Ao e tib'ai nakoia ana iruwa ake a kakannato, ma buuna nako, ao nakoia buuna naba ni kewe b'a a na mooi iai.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Ruka 21:34

Ma kam na kawakiningkami b'a a na aki kamamaraaki nanomi n taekan ti te kan am'am'arake ma te mamanging ma iango n raraoma i bukini b'ain te maiu aei, b'a e kawa ni karina rokon te bong arei n te tai are kam aki kaantaningaia iai ni kam'aneingkami,

I-Ebeto 5:18

Kam na tai manging, b'a ngaia ae na urua arom, ma kam na kaonaki n te Tamnei are Raoiroi.

1.Tamuera 25:36

Ao e nako Nei Abikaira n oki nakon Nab'ara, are e bon mena ni mwengana ni karaua ni kukurei n ana baka n am'arake ae e karaoia ae kaanga ai aron ana baka te uea. E mooi manging ao akea te b'ai ae e riki i rouna, ma ngaia are, akea te b'ai teuana ae e karakinna neierei nakoina ni karokoa te moaningabong are i mwiina.