1.Uea 20:11 - Te B'aib'ara

¹¹ Ao e taku Aaba, “Benatata, ko na aki kamoamoako i m'aain te bonibuaka. Ti na mataku ngkana ko na teimatoa ni maiu ni karokoa tokin te buaka.”

1.Uea 20:11 ပူးပေါင်းရင်းမြစ်များ

2.Uea 3:21

Ao n te tai naba arei, ao a ongo kaain Moaaba te rongorongo are a nang roko uea ake teniman ni buakaniia. A tia ni botiia aia m'aane ake taani buaka ni moa mai rouia ake a uarereke ni karokoia ake a ikawai, ao e a tei te taanga ni buaka aei i aon tian abaia n tauraoi nakon te buaka.

Iobi 41:8

Bon ti teuana am tai n un ma ngaia, ao ko aki manga oki riki.

Taeka n Rabakau 27:1

Ko na aki kamoamoa i bukin te ingabong! b'a ko aki ataa kanoan te bong teuana ma teuana.

Te Minita 9:11

Ao aikai b'aai riki tabeua aika I a tia n noori i aan taai: Aika birim'aaka ao aomata aika a ninikoria a aki tootokanikai n taai nako n te kabobirim'aka ao te buaka. Te wanawana, ni ikotaki ma te niniwana ao te ataib'ai a aki anganiko te marurung n taai nako, te kaub'ai, ke tanoatan taekam. Ti bane n toa n te tekebuaka.

Ieremia 46:17

Angan uean Aikubita arana ae e boou, “Te Tia Taetae Ae Akea Nanona”.

Ieremia 9:23

E taku te UEA: Kam na aki kamoamoa i bukin wanawanami ke korakorami ke kaub'aimi.

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

1.Tamuera 14:6

Ao a tabe n taetae ni kawai Ionatan ma ana tautia ngke a m'ananga nakon aia kaemb'a kaain Biritia ao a taku, “Bon ti ngaira uoman ni kaaitaraia m'aane aika akea atuaia aikai,” Ao e taku Ionatan, “Ma E kona te UEA ni buokiia tautia aika ti tabeman n tokanikai n te buaka n aron naba ae bon akea kangaangan buokaia te taanga ni buaka ae b'anin i Rouna. E na mena ngkoa ao e na buokiira te UEA n te buaka aei.”