1.Uea 2:44 - Te B'aib'ara

⁴⁴ I taku b'a ko bon atai b'aai aika a buakaka ake ko a tia ni karaoi nakon tamau are Tawita. Ao ngkai E nang katuaaeko te UEA i bukin te b'ai are ko a tia ni karaoia.

1.Uea 2:44 ပူးပေါင်းရင်းမြစ်များ

1.Uea 2:43

Ko a tia n ongotaeka irou, ao ko a tia naba n urua am berita are ko karaoia nakon te UEA.

2.Uea 11:1

Ni bon te tai are e ongo naba iai Nei Ataria b'a e a mate natina te m'aane are Aatia, ao e a iangoia b'a e na tiringiia ana koraki te uea ni kabaneia ake a na konaa ni manga riki b'a uea. E boni karaoa aei,

2.Uea 11:12

E kairaki Ioati iroun Ieoiata nako tinaniku, ike e a katokaa te baunuea i aon atuuna, ao e anganna katotongan te kaetieti i bukin kairan te botannaomata. E kab'aroaki b'aan te oriwa i aon atuuna ni kaotia b'a ngaia ngkai te uea, ao a uboubo aomata ma n takaarua ni kaangai, “E na teimatoa maiun te uea.”

Taian Areru 109:20

Te UEA, kareke kaiia aiau n te aro anne ake te koraki ake a atong taeka aika ribuaka i buku!

Taian Areru 7:16

B'a e na boni b'akaraki ni mwin oin ana m'akuri ae e buakaka, ao e na ikoaki ni mwin oin ana iowawa.

Taeka n Rabakau 5:22

A m'ane taani bure ni bon oin aia m'akuri ake a tia ni karaoi.

Etekiera 17:19

E karaoa te berita n arau ao e tuea b'a e na karinea te boraraoi. Ma ngkai e a tia n urua te berita, ao e a kamatauningaaki arau. E na riai n okiraki n te b'ai ae e a tia ni karaoia.

Otea 4:9

Ao bon anne bukina ngkai N na katuaaia aomata i bukin te b'ai ae a tia ni karaoia, n aron naba ae N na katuuaingkami ngkami aika ibonga.

Ioane 8:9

Ngke a ongo aomata ana taeka Iesu, ao a oti nako n tatabemaniia, ni moa mairouia unimm'aane ni karokoa ae a bane aia koraki. E tiku Iesu n ti Ngaia, ao e tiku naba te aine arei ni nena are e tei iai.

I-Rom 2:15

A kaotaki n aroia b'a e koreaki i nanoia kanoan te Tua, ao a kaota aei mataniwin nanoia b'a e koaua, ngkai a kona n tuangaki n aia iango b'a a raoiroi ke a buakaka baike a karaoi.

1.Ioane 3:20

b'a ngkana a kabuakakaira nanora, ao E matairiki riki te Atua nakon nanora, ao E atai b'aai ni kabane.

1.Tamuera 25:39

Ao ngke e ongo Tawita taekan Nab'ara b'a e a tia ni mate, ao e taku, “E na neboaki te UEA! E a tia n irantangaai mairoun Nab'ara i bukina ngke e kamamaaeai ao E kaawakinai b'a N na aki karaoa ae e buakaka. E a tia te UEA ni katuaaea Nab'ara i bukin ana m'akuri ae e buakaka.” Ao i mwiin arei, e karaoa ana kabutiman Tawita b'a e kan mare ma Nei Abikaira.