1.Uea 2:33 - Te B'aib'ara

³³ A teimatoa n tekebuaka ana utu Ioaba i bukin ana m'akuri are e a tia ni karaoia, ma E na kakab'aia ana utu Tawita n taainako, ao e na waaki ueana i nanon te rau.”

1.Uea 2:33 ပူးပေါင်းရင်းမြစ်များ

Karikani B'aai 42:22

Ao e taku Reuben, “I bon tuangngkami ngkoa b'a kam na aki tiringnga, ao ngkai ti a katuaaeaki i bukin matena.”

2.Tamuera 14:9

Ao e taku te aine arei, “Bon au kaantaninga b'a e na aki karika te kangaanga nakoim am babaaire i bukin katokan te kangaanga aei. Ma ko na bukinai ngkana iai te kangaanga iai.

1.Uea 2:32

E tiringiia m'aane aika akea aia bure n te aro ae e aki ataaki iroun tamau. A raoiroi riki m'aane aikai nakon Ioaba.

1.Uea 2:44

I taku b'a ko bon atai b'aai aika a buakaka ake ko a tia ni karaoi nakon tamau are Tawita. Ao ngkai E nang katuaaeko te UEA i bukin te b'ai are ko a tia ni karaoia.

1.Uea 8:32

Ko na ongora mai karawa ao karaoa am babaaire i aoia b'a antai ae e bure. Ao Ko na katuaaea te tia bure ao ni kainaomata teuare akea ana bure.

2.Uea 5:27

I bukin te b'ai ae ko a tia ni karaoia, ao e na manga ewekiko ngkai reeberan Naaman, ao a na ewekaki naba kanoam n aki toki.” Ao n te tai naba arei, ao e mainaina kunna n te reebera, ao e taonnako.

1.Rongorongo 17:27

I butiiko ngkai b'a Ko na kakab'aiaia au kariki n aki totoki, ao karikiia b'a am uea aika a rineaki. Ko a tia ni kakab'aia au utu, ao I ataia b'a Ko na bon kakab'aiaira n aki totoki.

Taian Areru 101:8

N na bane ni kamaunaia akana buakaka i aon te aba ni katoa ingabong; B'a a aonga ni bane n nako akana buakaka man ana kaawa te UEA.

Taian Areru 132:12

Ngkana a kawakina au boraraoi natim ao a kawakin naba au taeka aika I anganiia, Ao a na riki naba natiia b'a uea n ai arom n aki toki.

Taian Areru 21:4

E butiko te maiu, ao Ko anganna ae ananau ae akea tokina.

Taian Areru 89:29

E na tei maan ueana n ai aron tei maanin karawa; E na ririki temanna n ana kariki b'a te uea n te tai teuana ma teuana.

Taeka n Rabakau 25:5

A riai ni kanakoaki aomata aika a buakaka i m'aain ae e tautaeka ma te eti te aomata temanna.

Etekiera 17:19

E karaoa te berita n arau ao e tuea b'a e na karinea te boraraoi. Ma ngkai e a tia n urua te berita, ao e a kamatauningaaki arau. E na riai n okiraki n te b'ai ae e a tia ni karaoia.

Warekaia Iteraera 32:23

Ma ngkana kam aki kakoroa bukin ami berita, ao kam na bure iai nakon te UEA, ao kam na katuaaeaki.

Mataio 27:25

Ao a bane ni kaeka aomata ni kangai, “E na mena i aora, ao i aoia ara kariki, te bukinaki i bukini matena!”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

M'akuri 18:6

Ma a ekianako ao a taetaebuakaia, ao ngaia e ioioa ana kunnikai, ao e taku nakoia, “Kam na boni bukintaeka n ami bure! Akea au bure iroumi! I mwini ngkai ao I a nakoia aomata aika tiaki I-Iutaia.”