1.Uea 2:29 - Te B'aib'ara

²⁹ Ao ngke e ongo aei Toromon, ao e kanakoa te aomata temanna b'a e na titirakina Ioaba ni kaangai, “E aera ngkai ko biri nakon te baonikarea?” Ao e kaeka Ioaba ni kaangai, “B'a I maakuko ngaia ae I biri nakon te UEA b'a E na kamanoai.”

1.Uea 2:29 ပူးပေါင်းရင်းမြစ်များ

2.Tamuera 8:18

Benaia are natin Ieoiata bon te kam'anta irouia taan tararua Tawita. Bon taiani ibonga natin Tawita aika m'aane.

1.Uea 2:25

Ao e takaarua Toromon ni kaangai, “Benaia. Naako tiringa Atoniia.” Ao e mate Atoniia.

1.Uea 2:30

Ao e biri nakon te Um'antabunrianna Benaia ao e takaarua ni kaangai, “Ioaba, e taku te uea b'a ko na otinako mai ikanne.” Ao e taku Ioaba, “I aki, ma nakomai tiringai ikai.” Ao e okirikaaki Benaia ao e tuanga Toromon ana taeka Ioaba.

1.Uea 2:31

Ao e taku Toromon: “Karaoa te b'ai ane e taekinna Ioaba. Tiringnga ao taunna, b'a I aonga n aki bukintaeka ma au utu n tiringakin te mataniwi n tautia n ana taanga ni buaka Iteraera are Abenera, ao nakon naba Amata are te kam'aanta n te bootaki n tautia i Iuta.

1.Uea 2:46

Ao e takaarua Toromon ni kaangai. “Benaia, tiringa Timei!” Ma ngaia are, e a mate Timei. Ao e a tab'anin raoi ana tautaeka Toromon i aon abanueana n te tai anne.

Te Otinako 21:14

Ao ngkana arona b'a kam a kaman iaiangoa tiringan te aomata temanna, ao bon akea maiumi, kam aki maiu naba ngkana arona b'a kam nimta te baonikarea. Kam na katikitikaki nako ma n tiringaki.

Taeka n Rabakau 28:17

Tai buokiia taan tiriaomata! Katikuia ni bon aia waaki ni kabane bongin maiuia.

Etekiera 9:6

Tiringiia unim'aane, rorobuaka, ateiaine, tiina, ao ataei. Ma kam na aki kumeia aomata aika iai te kanikina i aon ram'aia. Ao kawaekoaia n tiringiia taani kairiiri ake a tei ikekei.”

1.Betero 4:17

B'a e a roko te tai ae na moanaki iai te motiki-taeka mairouia ana aomata te Atua; ao ngkana e moanaki mai roura, ao e na tera mwina nakoia akana aki ira nanon ana euangkerio te Atua?