1.Uea 2:26 - Te B'aib'ara

²⁶ Ao e kanaanako wetean Abiata are te ibonga te uea are Toromon, ao e taku: “Abiata naako okira mwengam i Anaton. Ko riai n tiringaki naba, ma I aki kani karaoia ngkai. Ngke e uea ngkoa tamau are Tawita, ao ko tararuaa ngkoa te Atiniberita, ao ko ri nanon taai aika a kaangaanga n taai aika a bati ngkoe ma tamau.”

1.Uea 2:26 ပူးပေါင်းရင်းမြစ်များ

2.Tamuera 12:5

Ao e rangi n ribaa te aomata are e kaub'ai Tawita ao e taku nakon Natan, “I tuea iroun te UEA b'a e na riai ni mate te aomata ane e karaoa anne!

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:7

Ao e kaaitibo Atoniia ma Ioaba are natin Teruia, ao e kaaitibo naba ma Abiata are te ibonga, ao e buubutiia b'a a na buokia ni kauea, ao a kaai ni kariaia buokana.

1.Uea 2:35

Ao Toromon, e katea Benaia n onea mwiin Ioaba b'a manga te kam'anta n te bootaki n tautia, ao e kateirakea Tatoka b'a te ibonga n onea mwiin Abiata.

Itaia 10:30

E ongo te aba te tang ae e korakora mani kaawan nako Karim, Raitia, ao te kananoanga are Anatota.

Ieremia 1:1

Arau bon Ieremia. Bon te ibonga ngai, ao tamau bon Irekia ao a bane kaain au utu n nako mai Anatota are n aban te baronga are Beniamin. Kanoan te boki aei bon taekan b'aai aika E taekin te UEA nako iu.

Mataio 10:42

Ao ane anga ti te m'angko n ran ae m'aitoro nakon temanna i buakoia aika uarereke aikai ngkae e atongaki b'a au reirei, ao e koaua ae I a tuangngkami b'a e na bon anganaki kaniwangana.

Ruka 22:28

Ngkami ake kam a tia ni memena i rarikiu i nanon taai ake I kaririiaki iai;

I-Karatia 3:4

A matebuaka b'aai ake a tia n riki nakoimi? A bon aki matebuaka.

Iotua 21:18

Anatota, Aremon, ni ikotaki ma tawaana n uteuten taian kaawa aikanne.

1.Tamuera 2:32

E na m'aiti aia kangaanga ami utu N na akoia Iteraera, ma a na bane ni mate kaain ami utu i nanon ataeia.

1.Tamuera 26:16

Ko aki kororaoi n tib'angam. Abenera! I tuea n aran te UEA ae e maiu b'a kam bon riai ni mate ni kabane b'a kam a tia n aki kakaawakina ami toka, are e rineia te UEA b'a e na uea. Nooria! E ngaa ana kainiwai am uea? E nga ana tiaeki n ran are e mena i rarikin atuuna?”