1.Uea 2:15 - Te B'aib'ara

¹⁵ Ao e taku Atoniia, “Ko bon ataia b'a I uea ngkoa i nanon ti tabeua te tai, ao a bane Iteraera ni kariaia b'a N na uea, ma E tangira tariu te Atua b'a e na uea, ao ngkai a bane n tia ni bitaki b'aai ni kabane.

1.Uea 2:15 ပူးပေါင်းရင်းမြစ်များ

2.Tamuera 12:24

E karaua nanon buuna are Nei B'atateb'a Tawita ao e matu ma ngaia. Rimwi riki, e a manga bungia riki natina te m'aane ao e aranna b'a Toromon. E tatangira Toromon te UEA

2.Tamuera 15:13

Ao e roko te tia uarongorongo ao e tuanga Tawita ni kaangai, “A bane Iteraera ni mena n ana itera Abetarom!”

2.Tamuera 15:6

Ao ai anne arona nakoia Iteraera ni kabane ake a na nikiri tangiia ma ngurengureia iroun te uea. Ni karokoa a bane aomata i aon Iteraera n tangira riki Abetarom nakon Tawita.

2.Tamuera 16:18

Ao e taku Utiai, “E a tia te UEA ma Iteraera n rineiko b'a aia uea. I aki konaa n nako. N na riai n tiku ma ni m'akuri i bukin ae a tia n rineia.

2.Tamuera 3:3

Natina te m'aane are te karimoa bon Ammon, are tinana bon Nei Ainoam man te kaawa are Ietireera. Natin Tawita te m'aane are te kauoman bon Kireaba, are tinana bon Nei Abikaira, are e a tia ni mare ma Naab'ara are kaain Karemera.

2.Tamuera 3:4

Ao te kateniman bon Abetarom. Ao tinana bon Nei Maaka, are natin te uea are Taremai are kaain Keturi. Natina te kaaman bon Atoniia, are tinana bon Nei Akita.

2.Tamuera 7:12

N na rinea temanna mai buakoia natim m'aane b'a e na uea ngkana ko a roko n tokin maium ma n taunaki n ruanimateia am bakatibu. N na karikia b'a te tia tautaeka ae e korakora,

1.Uea 1:25

Ngke e ingabong riki ao e tiringi taiani kao ma kao ataei ao taian tiibu aika a m'aiti. E kaoiia taiani mataniwi n te taanga ni buaka, Abiata, ao natim m'aane ni kabane nako ikekei. Ao a am'arake ni kukurei ma ni mooi ni karokoa te tai aei ma n tatakarua ni kaangai, ‘E na teimatoa maiun te uea ae Atoniia!’

1.Uea 1:38

Ao a nako Tatoka ma Natan ao Benaia ao a kairiia uakoraki ana taani kaawakina Tawita aika a bane aroia. Ao e toka Toromon i aon ana miure Tawita ngke a m'ananga nakon Koburaken ranin Kion.

1.Uea 1:39

E uota b'aan te oriwa Tatoka are te ibonga man te Um'antabunrianna, ao e kab'aroa i aon atuun Toromon ni kaotia b'a e a uea ngkai. E tangi te bu, ao a bane n takaarua aomata ni kaangai, “E na teimatoa maiun te uea ae Toromon.”

1.Uea 1:5

Natin Tawita te m'aane ma Nei Akita bon Atoniia. Boni karimwiin Abetarom, ao e rangi ni botonim'aane. Ao n te bongi teuana, ao e taetae ni karietata Atoniia ao e taku, “N na riki b'a te uea.”

1.Uea 2:14

I bon roko b'a I kani maroroo ma ngkoe.” Ao e taku neierei, “E tamaroa, ao uotiko.”

1.Uea 2:16

I butiiko, ko aki konaa ni buokai?” Ao e taku Nei B'atateb'a, “Tera ae ko iangoia?”

1.Uea 2:22

Ao e taku Toromon: “Tera, N na kariaia b'a e na iein karimoau ma Nei Abitiaka? Ti te bo ngke ko butiai b'a e na tautaekana te abanuea. E aera ngkai ko aki buubutii i bukiia Abiata ao Ioaba?

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Taniera 2:22

E kaoti b'aai aika a nano ao aika a raba; E atai baika a raba n te rotongitong, ao E otab'aniniaki n te ota.