1.Uea 19:4 - Te B'aib'ara

⁴ ao e a manga m'ananga i nanon teuana te bong nakon te rereua. Ni karokoa e a roko n te buakoako teuana ae korakora ao e a tekateka i aan nuuna. E a tataro ni buubutii nakon te UEA ni kaangai, “E a bati n tau. An tiringai. A kakab'aiaki riki au bakatibu nako iu.”

1.Uea 19:4 ပူးပေါင်းရင်းမြစ်များ

1.Uea 13:14

ao e m'ananga nako ni kakaaea te burabeti mai Iuta. Ao te burabeti are e a kara, e a nooria n tekateka i aan te aroka ae te oke ao e a titirakinna ni kaangai, “Burabetin Iuta ngkoe?” “Eng, boni ngai.”

1.Uea 19:3

Ao e rangi ni maaku Eria ngke e a reke i rouna ana rongorongo, ao e a biri nakon te kaawa are Beerateb'a i Iuta, ao E katuka ana toro ikekei,

1.Uea 19:5

Ao e wene i aan te nu arei ao e matunako. Ao e karina ni kautaki iroun te anera ao e taku te anera, “Teirake am'arake.”

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

Iobi 6:8

E aera ngkai E aki anganai te Atua te b'ai ae I butiia? E aera ngkai E aki kaeka au tataro?

Iobi 6:9

Tera ngke E tiringai ngkai!

Ieremia 20:9

N taai tabetai ao I taetae bon i nanou b'a N na aki manga oki n iangoiko te UEA, ke n atoatonga aram. Ma a ura am taeka i nanou ma riiu, ao I a aki konaa ni kainab'aabu.

Amota 6:2

Noora te kaawa are Karene. Noora naba te kaawa ae ab'ab'aki are Amata, ao ruorikaaki n noora naba aia kaawa I-Biritia are Kate: a bon aki roota tamaroan aaba n uea aika Iuta ma Iteraera, a aki roota naba rababan tiaia.

Iona 4:3

Ma ngaia are, te UEA, kariaia b'a N na mate, e raoiroi riki mateu nakon maiu.”

Iona 4:8

I mwiin otin taai ao te Atua E kanakoa te ang mainiku ae e kabuebue, ao e rootaki Iona ao e kuri n tong ni kabuebuen taai ngke e b'akaria. Ma ngaia are, e bon bubuti bon i bukina b'a e na mate, ao e kaangai, “E raoiroi riki mateu nakon maiu.”

Naum 3:8

Ninewe, tao ko raoiroi riki nakon Teebe, are atuun kaawan te tautaeka n Aikubita? Iai otangana te Karaanga are te Naire are e katobibia te kaawa b'a kaanga oona, n totokoia ana kairiribai.

Warekaia Iteraera 11:15

Ngkana arom aei nako iu, ao e raoiroi riki ngkana Ko tiringai ngkai b'a e aonga n toki rawawatau!

Mataio 6:26

Kam na tarai mannikiba, ngkai a aki ununiki, ao a aki boboti uaa ngkana a tai, ao a aki uraki nakoni nnen am'arake; ma E kakaam'arakeia Tamami are i karawa. Tiaki kam kakawaki riki nako ia?

Ioane 4:6

E mena ikekei ana m'anib'a Iakob'a, ao E a kua Iesu imwiin nakonakona, ma ngaia are E tekateka i etan te m'anib'a arei. Tao e a tawanou.

I-Rom 3:9

Ao tera ngkanne? Ti raoiroi riki ngaira I-Iutaia nakoia I-Erene? Ti bon aki; b'a ti a kamani kaotiia I-Iutaia ma I-Erene, b'a a bane ni mena i aani m'aakan te bure;