1.Uea 19:21 - Te B'aib'ara

²¹ Ao e nako Eritai ao e kairiia ana kaom'aane ake uoman. E tiringiia, ao e kaburoia i aon te ai ae e aianna ni kain ana b'arau. E anga irikon ana man akekei nakoia aomata ake a mena i rarikina, ao a bane n am'arake. Ao i mwiina, e ri mwiin Eria ao e riki ngaia b'a te tia buobuokia.

1.Uea 19:21 ပူးပေါင်းရင်းမြစ်များ

2.Tamuera 24:22

Ao e taku Arauna, “Anaa te b'ai ane ko bon tangiria ao anga am karea. Aikai naba tabeua taian kao i bukin am karea. Ko konaa naba ni kamanenaa kairababan te tabo ni kaaki kunniuita ma amon te kai b'a am aia.

1.Uea 18:43

ao e taku nakon ana tia m'akuri, “Naako taraa marawa.” Ao e nako te tia m'akuri arei. Ao ngke e oki ao e taku, “I a tia n tara marawa ma akea te b'ai ae I nooria.” Ao e a manga tuangnga riki Eria b'a e na noora marawa itiua te tai.

2.Uea 2:3

Ao a titirakina Eritai te bootaki ni burabeti teuana ae a maeka ikekei ni kaangai, Ko ataia ae e nang uotaki nako am mataniwi iroun te UEA n te bong aei? Ao e taku Eritai, Eng, I bon ataia, ma an tai manga tuangai.

2.Uea 3:11

Ao e taku Ieotiab'ata, Antai Ana burabeti te UEA ae e iriira? Ti na titirakinna b'a tera ae e tangiria te UEA b'a ti na karaoia. Ao e taku temanna ana mataniwi Ioram, Ae ikai Eritai are natin Tiabata te m'aane. Bon te tia buobuoka Eria.

Te Otinako 24:13

Ao a katauraoi Moote ma Iotua are ana kauoman, ao i mwiina e a waaki ni kawaina Moote n tam'arakea te maunga ni kaitibo iai ma te Atua.

M'akuri 13:5

Ngke a roko i Tarami, ao a tataekina ana taeka te Atua ni m'aneabaia I-Iutaia. Ao raoia Ioane b'a e buokiia n aia m'akuri.

2.Timoteo 4:11

Ai ti Ruka ae mena i rou ngkai. Ko na wetea Mareko, ao kairiia mai b'a raom: b'a e manena i bukini buokau n te m'akuri.

Biremon 1:13

I kan taua b'a e na mena i rou, b'a e na bonota mwim n akoai ngkai I kabaeaki i bukin te euangkerio.

1.Tamuera 6:14

Ao a kiitana te kawai taiani kao akekei ao katikitika te kaa nakon te katawanang are ana b'ai Iotua are kaain Beta Temeti, ao a tei i rarikin te b'a ae korakora. Ao iai tabeman m'aanen te baronga are Rewi ikekei. Ma ngaia are, a karuoa te Atiniberita mai aon te kaa are katikitikaki irouia maan ao ni kaaki i aon te b'a, ao a kamenaki naba taian kimoa ma kinaka i aon te b'a.