1.Uea 19:17 - Te B'aib'ara

¹⁷ Ataera are e na moana tiringaia ake a taromauria B'aara. Ao Ieu e na tiringiia koraki akana a birinako mairoun Ataera, ao Eritai e na tiringiia akana a birinako mairoun Ieu.

1.Uea 19:17 ပူးပေါင်းရင်းမြစ်များ

2.Uea 10:32

Ao i nanoni boong akanne, ao E a tabe ni kauarerekea aban Iteraera te UEA. E konaiia Iteraera uean Turia are Ataera ao e taui taekan,

2.Uea 12:17

Ni bon te tai naba arei, e buakana te kaawa are Kaata uean Turia are Ataera, ao e taua. I mwiina, e a manga iangoia b'a e na buakana Ierutarem.

2.Uea 13:22

E mena Iteraera i aan ana tautaeka uean Turia are Ataera i nanon ana tai n tautaeka Ieoaati ni kabane.

2.Uea 13:3

E un te UEA irouia Iteraera, ma ngaia are, e karika uean Turia are Ataera ma natina te m'aane are Benatata b'a a na tautaekaniia n te tai ae e maan.

2.Uea 8:12

Ao e taku Ataera, “Teuae ko karineaki, E aera ngkai ko a tang?” Ao e kaeka Eritai ni kaangai, “I bukina b'a I atai b'aai aika a kakamaaku aika ko nang karaoi nakoia Iteraera. Ko nang kabuoki aia kaawa aika a nonoaki ma n tiringiia aia rorobuaka n ataei. Ao ko na boni kamanatuai atuuia ataei aika a uarereke ma n raebitiia aine aika a bikoukou.”

2.Uea 8:8

ao e taku nakon Ataera, “Ko na nako ni kaaitibooko ma ana Aomata te Atua are Eritai, ao butiia b'a e na titirakina te UEA b'a N na marurung ke N na aki?” Ao uoti taiani b'aintangira nako ina.

2.Uea 9:14

E a tia ni ikoaki kakaiaki uean Iteraera are Ieoram n te buaka i Ramota ngke e kataia n totokoa te uea are Ataera, ao tautian Turia.

2.Uea 9:2

Ngkana ko roko ikekei, ao kakaaea te m'aane ae Ieu ae natin Ieotiab'ata, ae tibun Nimti. Kairiia nakon te tabo ae na ti ngkami iai uoman,

2.Uea 9:20

E a manga taku naba te tia tei are n te taua n taratara, “Te uea ae ko karineaki, e a tia n roko irouia te koraki arei teuare e kanakoaki nakoia ma e tuai mani karairaki naba. Tataninga teutana. Te m'aane ae e rimoa aei e kabuta te kaanibuaka n aki akaaka, boni bae n Ieu.”

2.Uea 9:24

ao e katebe Ieu, ao e teke marenan angan Ioram n ewara buroona, ao e otinako mai b'aab'aana. Ao e b'aka ni mate i aon ana kaanibuaka.

2.Uea 9:25

Ao Ieu e tuanga Biteka are te tia buokia ni kaangai, “Anaa rab'atan Ioram, ao karenakoa i nanon te tawaana are n aban Naabota. Ko uringa ngkoa ngke ti m'ananga n te kaanibuaka,

Itaia 11:4

E na karaoaki raoi te eti ma te riai nakoia aomata aika a maiu ni kainano ao a tangira buokaia. Ana riki ana taeka b'a taian tua i aon te aba ni kabutaa, ao a na bane n tiringaki taani bure.

Ieremia 1:10

ao I kanakoko ma te m'aaka ae tab'anin raoi n taetae nako ia botannaomata i buku. Ko na taekinna nako ia kabuanib'aia ao uruaia, ao manga teirakeia ao te manga kateitei.”

Ieremia 48:44

Ngkana kam maaku ma ni biri, ao kam na b'aka i nanon te m'aruarua; ngkana kam kawakawa n otinako man te m'aruarua, kam na manga reke n te b'ainikam'ane. E a roko te tai are kam nang katuaaeaki iai.

Etekiera 15:7

kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Otea 6:5

Ao bon anne bukina ngkai I tiringkami n te tai ae ti teuana n taian taeka rinanoia burabeti. Ao anne naba bukina ngkai e ura au motikitaeka kaanga taai n te ingabong.

Amota 2:14

E na bon aki kona naba ni birinako te aomata ae birim'aaka. Ao e na bua naba korakoran te aomata ae ninikoria, ao ana bon aki kona naba n rawei maiuia taian tautia.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!

Te Kaotioti 19:21

Ao ake tabem'aang ake nikira a kamateaki n ana kabaang Teuare toka i aon te aoti, are te kabaang are oti nako mai wina; ao a bane ni ngae maan ake a am'arake n irikoia.