1.Uea 19:11 - Te B'aib'ara

¹¹ Ao E taku te UEA, “Ko na otinako, ao naako tei i aon te maunga. I tangiria b'a ko na noorai ngkana I rirarikim.” Ao e karina n roko te ang ae moan te korakora ni ioioa te maunga, ao ni katabwenabwenai taiani b'a. Ma E bon aki mena naba te UEA i nanon te ang ae moan te korakora. Ao i mwiina, e a manga roko te m'aeiei, ma e aki mena naba i nanon te m'aeiei.

1.Uea 19:11 ပူးပေါင်းရင်းမြစ်များ

Iobi 38:1

Ao e taetae te UEA nakon Iobi mai buakon te angibuaka ni kaangai:

Taian Areru 50:3

E nangi roko Atuara, ao E na aki kainab'aabu; E ri moana te ai ae ura m'aaka, Ao E otab'aniniaki rarikina n te ang ae matoatoa karena.

Taian Areru 68:8

Ao e m'ainging aon te aba, ao e b'aka te karau, i bukin rokom Atuan Tinai, ae Atuan Iteraera.

Taian Areru 68:9

Te Atua, Ko kabatia te karau ni kab'aka, Ao Ko kamaiua abam ae e a nimamate kain aona.

Te Otinako 19:16

Ao e rebwe te baa ao e iti karawa ni moan ingabongin te katenua ni bong, ao e kaoti te nang ae matenten i aon te maunga, ao e tang te buu ae moan te tangim'aaka. Ao a bane n ruru ni maaku kaain aia maeka arei ni kabane.

Te Otinako 19:20

Ao E ruona taubukin te maunga te UEA, ao E wetea Moote b'a e na tam'arake nako taubukin te maunga. Ao e tam'arake Moote

Te Otinako 20:18

Ao a maaku aomata ao a kararoaia nako ngkana a ongo rebwen te baa, tangin te buu, ma n noora te iti ma te bubu man te maunga.

Te Otinako 24:12

E taku te UEA nakon Moote, Tam'arake nako iu i aon te maunga ao ko na tiku ikai tabeua te tai. N na anganiko atiibu aika uoua ae I a tia ni koroi i aoia taian tua aika a riai n ongotaeka iai au aomata.”

Te Otinako 24:18

Taraan mimitongin te UEA irouia aomata ti te bo taraana ma te ai ae urarake i taubukin te maunga.

Te Otinako 34:2

Katauraoiko nakon te ingabong n te moaningabong b'a ko na tam'arakea te Maunga are Tinai ni kawarai i taubukina.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Etekiera 1:4

I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,

Etekiera 37:7

Ao I karaoa te b'ai are E tuangai te UEA, ma i m'aain banen au taeka, I ongo taian keruaatai. A manga toma taian rii!

Naum 1:3

E aki kakaiun te UEA, ao E m'aaka ao E aki toki ni katuaaia taani bure. E tei te angibuaka n te tabo are E nakonako iai te UEA; bubun waena taian nang!

Tekaria 14:5

Ao ane a na biri nako aomata man Ana maunga te UEA, ri nanon te m'arua aei, are e roota Atere. Ane ko na biri nako n taabo nako, n aroia aomata nako ngkana a oreaki n te m'aiei i nanon ana tai ni uea Utia i aon Iuta. Ao i mwiin anne, E na kaoti te UEA ae Atuau ma Ana anera aika a tabu.

Tekaria 4:6

Ma ngaia are, e kab'arab'araa te anera b'a bon reitan taian rongorongo mairoun te UEA nakon Terub'abera. Bon te UEA Ngai ae Moan te M'aaka. Ma ngaia are, kam na aki onimakina korakorami ma marurungimi, ma kam na onimakina Tamneiu.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Mataio 28:2

Ao noria, e roko m'aeiein te aba ae korakora; b'a e ruo mai karawa ana anera te Atua, ao e roko ni karabinoa nako te atibu, ao e tekateka i aona.

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 16:18

Ao e itiiti, ao e rebwetata ma n rurunga te baa, ao e riki te m'aeiei ae korakora i aon te aba, ae te m'aeiei ae akea n ai arona ma ngke e moa ni mena te aomata i aonnaba: boni moan te korakora te m'aeiei aei.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

1.Tamuera 14:15

Ao a bane kaain ana taanga ni buaka Biritia n tiaoki--n reitaki ma ake n te maeka, ma ake uatei, ma ake n taiani katawanang, ao ake taan kurib'ai. A bane ni maaku ma n aki reke aia iango. Ao E kanakoa te m'aeiei te Atua, ao e ruru aontano.