1.Uea 18:46 - Te B'aib'ara

⁴⁶ Ma ngaia are, e ninira kunnikaina Eria i aona, ao e anganaki korakorana iroun te UEA n te aro are e a konaa ni biri mai ikekei ni karokoa Ietireera n rimoan Aaba.

1.Uea 18:46 ပူးပေါင်းရင်းမြစ်များ

1.Uea 21:1

Iai ana onaroka ni kureebe Naabota ae e mena i rarikin ana bareti Aaba i Ietireera.

2.Uea 1:8

Ao a taku, Bon te aomata ae e buraerae ao e roona nuukana n te bare ae te kunniman. Ao e taku Aatia, Bon Eria te aomata anne.

2.Uea 3:15

Ao i mwiina, e taku Eritai, “Kanakomaia ae e rabakau ni katanga te aabi.” Ao e moanaki katangan te aabi iroun te tia katangitang, ao te UEA e angan Eritai te rongorongo i bukin Ioram ae e kaangai:

2.Uea 4:29

Ao e taku Eritai, “Keati, katauraoiko ao nakon ana auti neiei. Uota okou, ao ngkana ko roko ikekei, ao ko na kawenea okou i matan te ataei ni maanee. Ko na aki tikutiku n taetae ma aomata i aon kawaim, e aoria naba ngkana a kataia n taetae nakoim.”

2.Uea 9:1

N te bong teuana ao e wetea temanna mai buakoia burabeti ake tekorakina Eritai, ao e taku, “Anaa te b'atoro ni b'aa n oriwa aei, ao katauraoiko b'a ko na nako nakon te kaawa are Ramota Kireata.

Iobi 38:3

Teirake ngkai n aron te aomata, ao kaekai titiraki aika N na titirakiniko iai.

Taeka n Rabakau 31:17

ao e m'akuri korakora n taai nako.

Itaia 8:11

E tauai te UEA ni baina ae e korakora ao e taku: I kauringko! Ko na aki katotoongia aomata aikai.

Ieremia 1:17

Katauraoiko Ieremia! Naako tuangiia aomata te b'ai are I mwiokoiko b'a ko na taekinna. Ko na aki maakuia, b'a I kaawa ni kakamaakuko i mataia.

Etekiera 1:3

Ao I ongo b'anaan te UEA ngke e taetae nako iu i rarikin te karaanga are Keeb'ara, ao I kaonaki n te m'aaka.

Etekiera 3:14

Ao e uotai nako te Tamnei nako kiiraroa. Ao e niiniai m'aakan te UEA ao E kairai, ao e a rangi ni maraki nanou ao I un.

Mataio 22:21

A kaeka ao a taku, “Kaitaraa.” E taku ngkanne nako ia, “Ma ngaia ae kam na angani Kaitaraa akana ana b'ai Kaitaraa; ao angan te Atua akana ana b'ai te Atua.”

I-Ebeto 6:14

Ma ngaia ae kam na tei, ao kam na kabae nuukami n te koaua, ao kam na katokaa te tanga are karaoan nanon te Atua,

1.Betero 1:13

Ma ngaia ae kam na tatauraoi n ami iango nako; kam na kamarurungngkami, ao kam na teimatoa ni kaantaninga te akoi are na uotaki nakoimi ngkana E a manga oki Iesu Kristo.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.