1.Uea 18:44 - Te B'aib'ara

⁴⁴ Ao ngke e taratara te kaitiua n tai, ao e taku, “I noora te nang ae e tabe n roko. Ao buburana ai aron te timoinibai.” Ao e taku Eria, “Ko riai ni kaea mwengam ngkai. B'a e kaawa n oaki n te karau.”

1.Uea 18:44 ပူးပေါင်းရင်းမြစ်များ

1.Uea 18:43

ao e taku nakon ana tia m'akuri, “Naako taraa marawa.” Ao e nako te tia m'akuri arei. Ao ngke e oki ao e taku, “I a tia n tara marawa ma akea te b'ai ae I nooria.” Ao e a manga tuangnga riki Eria b'a e na noora marawa itiua te tai.

Iobi 8:7

Kaub'aim ni kabane ake a tia ni bua a na bon aki kona ni kabotauaki ma kaub'aim akana E na anganiko te Atua n taai aika na roko.

Mika 1:13

Kabaei ami kaa ma ami aoti ao tauraoi ni birinako ngkami ake kam maeka i Rakiti. Kam na manga karaoa naba te bure are e boni karaoia naba ngkoa Iteraera, ao e a iraraang nako Ierutarem iroum.

Tekaria 4:10

Ane a na manga kukurei aomata ake a b'ainingarea te waaki ngke e a tib'a waakinaki, ngkana a noora Terub'abera n taua te atiibu ae e kakaawaki aei. Ao oneani mwiin matau taian taura aika itiua aikai, matan te UEA, a noori b'aai nako n te aonnaba.

Ruka 12:54

Ao E taetae naba nakoia aomata ni kangai, Ngkana kam noora te nang b'a e oti ni waerake mai maeao, ao kam a kangai naba, “E a kani b'aka te karau ae korakora,” ao e boni koaua.

1.Tamuera 6:10

Ao kaain Biritia a iri nanon taeka akekei. A kabaei taian kao aika uoman ma te kaa are katikitikaki irouia maan, ma a kaawakin aia kao ake uarereke i nanon nneia.

1.Tamuera 6:7

Karekei uoua te kaa ae katikitikaki irouia maan, ao uoman taiani kao aika iai natiia aika uarereke aika tuai man kokooka te kaa mai i m'aaina, ma kam na kaoki taian kao ake a uarereke nakon aia tabo.