1.Uea 18:26 - Te B'aib'ara

²⁶ Ao a rinea aia kaom'aane ana burabeti B'aara ao a katauraoia, ao a tataro nakoni B'aara ni kabanea te ingabong arei ni butiia b'a e na kauraa ain aia karea. A ruruoia ni katobibia aia baonikarea ao a tatakarua ni kaangai, “Kaekaira B'aara!” Ma bon akea kaekaakiia.

1.Uea 18:26 ပူးပေါင်းရင်းမြစ်များ

1.Uea 18:24

A na tataro ana burabeti B'aara nakon antiia, ao ngai N na tataro nakon te UEA. Ao e na atongaki b'a te Atua ni koaua ane E kauraa te ai. Ao a taku aomata, “E raoiroi te iango anne.”

1.Uea 18:25

Ao e taku Eria nakoia ana burabeti B'aara, “Kam na waaki moa b'a a m'aiti riki ami koraki. Kaotinakoa te kaom'aane ao katauraoia, ma kam na aki kauraa aina. Ao i mwiina kam a tataro nakon antimi.”

1.Uea 18:27

Ao ngke e a tawanou, ao e a moana b'ainingareaia Eria ao e taku, “Tataro ni kaooa riki b'anaami. Kam taku b'a boni iai B'aara. Tao ane e tabe ni kakantaninga ke e nako n rairaki, ke tao ane e nakonako moa nakon taabo tabeua, ke tao ane e tabe ni matu, ma kam riai ni kautia.”

Te Otinako 8:14

A ikoikotaki taian biraoki ake a mate, ao e a m'aung te aba arei ni kabane.

Itaia 37:38

Ao n te bong teuana e tabe n taromauri n ana tembora antina are Nitiroka, ao a roko naba natina m'aane ake uoman ake Aterammereka ao Tiaretera n tiringnga n aia kabaang. A biri nako nakon te aba are Ararata, ao e a manga uea natina te m'aane are Etaraaton.

Itaia 44:17

Ao i mwiin, anne e bobaraaki n taromauria te bouannanti te kai. ao e taku, “Kaawakinai, bon antiu ngkoe.”

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 46:7

A uouota te bouannanti i aon angaia, ao i mwiina a katokaa i aon te kaintei, ma e aki konaa ni kakam'akuri. A weewete nakon te bouannanti ngkana a reke n te kaangaanga ma e bon aki kaekaia, ao e bon aki konaa n anga a na i buobuoki.

Ieremia 10:5

Bon ti te bo te bouannanti ma b'ain kakamaakaia maan. E bon aki konaa n taetae, ao e na bon ti uouotaki. b'a e aki konaa n nakonako. E aera ngkai e taromauriaki te bouannanti ae e aki konaa ni buobuokingkami ke ni kaikoakingkami?

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Iona 1:5

Ao a maaku kaimoa ao a tang ni kan buokaki, temanna nakon antina, ao temanna nakon antina. Ao a karenakoi kanoan te kaibuke i taari, b'a e aonga ni bebete riki te kaibuke. Ao e a kaman ruo Iona ni wene i kabin te kaibuke ao e matu iai.

Ab'akuka 2:18

Tera manen te bouannanti? Ti te b'ai ae e bon karikia te aomata, ao e anga taeka aika akea nanoia, aika keewe. Bon tii ana karaob'ai te aomata, e bon aki kona n taetae.

Ab'akuka 2:19

Ko na b'aka b'a ko kaangai nakon te m'akoro ni kai, “Uti!” ke nakon te m'akoro n atibu, “teirake!” E kona ni kaoti b'aai te bouannanti nakoim? E tii kabiraki aona n te tirewa ma te koora ma bon akea te maiu i nanona.

Teb'ania 1:9

N na oroia ake a taromauria anti ao ake a iraa man tiritiri i bukin karekean b'ain aia auti aia toka ni b'ai-ni-iraa.

Mataio 6:7

Ao ngkana kam tataro, ao tai kabatiai ami taeka aika akea nanoia, b'a anne aroia aomata ake a tuai onimakina te Atua, b'a a taku b'a a na reke nako ia b'aai ake a tataro i bukiia.

1.I-Korinto 12:2

Kam ataingkami b'a ngke beekan ngkami ngkoa, ao kam kairaki nakoni bouannanti aika aki kona n taetae.

1.I-Korinto 8:4

Ma ngaia are i bukini ngkanne kanakin am'arake ake karea nakoni bouannanti, ao aei taekana: ti ataia b'a akea te bouannanti ae maiu i aonnaba, ao bon ti temanna te Atua ni koaua, ao akea riki.

1.Tamuera 5:3

Ao ngke a uti n te ingabong are i mwiina kaain Atitota, ao a noora aia bouananti ni wene ni bobaraaki i aon te burooa i matan te Atiniberita. A manga kaoka te bouananti nakoni nnena.