1.Uea 18:24 - Te B'aib'ara

²⁴ A na tataro ana burabeti B'aara nakon antiia, ao ngai N na tataro nakon te UEA. Ao e na atongaki b'a te Atua ni koaua ane E kauraa te ai. Ao a taku aomata, “E raoiroi te iango anne.”

1.Uea 18:24 ပူးပေါင်းရင်းမြစ်များ

Karikani B'aai 4:26

Ao e riki natin Teeta te mm'aane, ao e aranna b'a Enoti. Ao n taai akanne are a moanna iai aomata n taromauriia te Atua ma n taekina ae e kaangai, “Ti neboiko te UEA.”

2.Tamuera 14:19

Ao e taku Tawita, “Bon Ioaba ae e tuangko b'a ko na karaoa aei?” Ao e taku te aine arei, “Te Uea ae ko karineaki, I tuea n aram b'a bon akea ae e konaa ni karabaa te koaua mairoum. Eng, boni ngaia ae e tuangai te b'ai ae N na taekinna,

1.Uea 18:23

Uotimai uoman taiani kaom'aane. Anganiia ana burabeti B'aara temanna b'a a na tiringnga, ma ni korokoroia ni kauarerekea. Ao i mwiina a konaa ni katokaa i aon taian aia ma a na aki kauraa. N na karaoa naba ae aron anne n te kaom'aane are temanna ao N na aki naba kauraa aina.

1.Uea 18:25

Ao e taku Eria nakoia ana burabeti B'aara, “Kam na waaki moa b'a a m'aiti riki ami koraki. Kaotinakoa te kaom'aane ao katauraoia, ma kam na aki kauraa aina. Ao i mwiina kam a tataro nakon antimi.”

1.Uea 18:38

Ao e kanakoa te ai te UEA boni ngkekei naba, ao e kabuoka te karea ma taiani kai ao taian atiibu naba. Ao e kam'aia te tano are i rarikin te baonikarea ni katobibia ma ni kam'aua te ran ni kabane are i nanon te m'anono are e katobibia te baonikarea.

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

1.Uea 2:38

Ao e kaeka Timei ni kaangai, “E rangi n raoiroi te uea ae ko karineaki. N na karaoa anne.” Ma ngaia are, e a maekana Ierutarem Timei n te tai ae maan.

1.Rongorongo 21:26

E katea te baonikarea Tawita ao e anga karea i bukin kakukureian te UEA E tataro Tawita, ao e kaeka te UEA ni kanakoa te ai mai karawa nako aon te baonikarea.

2.Rongorongo 7:1

Ao n te tai are e bane naba iai ana tataro Toromon, ao e b'aka te ai mai karawa ni kabuoka te karea. Ao e rina ni kaona te Tembora raneanean mimitongin te UEA,

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

Itaia 39:8

E iango Etekia ao e taku, “E na rau ara botannaomata n te tai moa aei.” Ma ngaia are, e taku nakon te tia uarongorongo arei, “E rangi n raoiroi te rongorongo ae ko uotia mai roun te UEA.”

Ieremia 27:18

Ngke tao arona b'a I a tia n taetae nako ia burabeti aikai, ao a na ataa te b'ai ae N nang karaoia. Ao a na buubutiai b'a N na aki kariaia b'a a na anaaki b'aai ni kabane man te Tembora ao ana bareti te uea ao b'ain Ierutarem ni kabane.

Nakoaia Ibonga 9:24

Ao E kanakoa te ai te UEA n te tai ae e karina, ao e kamannangii karea ni kabuokaki ma m'akoron te man ake a nenea ake i aon te baonikarea. Ao ngke a noora arei aomata, a bane n takaarua ao a bobaraaki ni kabo mataia ma aontano.

Tani Motiki-taeka 6:21

Ao e taua te oko te anera i nanoni baina, ao e korea iai te iriko ao te kariki n tabon okona. Ao e kiba te ai man te b'a ao e kabuoka te iriko ma te kariki. Ao ngke e taratara nako Kiteon, ao e a akea te anera arei.