1.Uea 18:21 - Te B'aib'ara

²¹ Ao e tei Eria i mataia ao e taku, “Ai ti maanra riki ngkami ni biribiri i marenan b'aai aika uoua? Ngkana kam taku b'a te Atua te UEA, ao taromauria. Ma ngkana te Atua B'aara ao taromauria.” Ao bon akea te b'ai ae a taekinna aomata.

1.Uea 18:21 ပူးပေါင်းရင်းမြစ်များ

Karikani B'aai 24:50

Ao a kaeka Raab'an ma Betuera ao a taku, “Ngkai e bon roko te baei mairoun te UEA, ao bon akea ara b'ai ni baireia.

Karikani B'aai 44:16

Ao e taku Iuta, “Tera ae ti na kona n taekinna nakoim? Ao tera ae ti na kona ni kauntaekaia? Ti na kanga n taku b'a ti aki bure? E a tia te Atua ni kaotia b'a bon taani bure ngaira.”

1.Uea 18:20

Ao e bootia aomata Iteraera ni kabane Aaba, ao a nako ni kawara Eria i aon te Maunga are Karemera.

1.Uea 18:39

Ao ngke a noora te b'ai are e riki arei aomata, ao a bane ni bobaraaki man takaarua ni kaangai, “Bon te Atua te UEA.”

2.Uea 17:41

A taromauria te UEA, ma a bon taromauri naba oin aia bouananti. Bon ti te bo naba ma are a karaoia aia kariki.

1.Rongorongo 17:26

Bon te UEA ae te Atua ngkoe, ao Ko a tia n karaoa te berita ae raoiroi aei nako iu.

2.Rongorongo 33:13

E kakauongo te UEA nakon ana tataro Manate ao e noora raraoman nanona, ai ngaia are, e a karaoia b'a e na okira Ierutarem ma n tautaeka kaanga te uea. Ao e ataia man te tai anne Manate ae bon te UEA te Atua.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 119:113

I ribaia akana aki bane nanoia ni kakaonimaki nakoim; ma I tangira am Tua.

Otea 10:2

Ko kam'am'ane ao ko aki kakaonimaki. Ma ngaia are, ko na anganaki boon am bure nako, i bukina b'a E na urua am baonikarea ao am banna te UEA.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Mataio 22:12

ao e taku nako ina, Raou, ko aera ngkai ko rin ikai n aki b'aina te kunnikai ni baka? Ao akea ana kaeka teuarei.

Mataio 22:34

Ngke a ongo B'aritaio b'a E kaini wiia Tarukaio Iesu, ao a botaki.

Mataio 22:36

E taku, “Te Tia Reirei, tera te tua ae moan te kakannato i buakon taian tua?”

Mataio 6:24

Akea te aomata ae kona n toro irouia tooka uoman: b'a ane e na riba temanna, ao e na karinea are temanna. Kam aki kona n toro iroun te Atua ma kaub'ain te maiu aei.

Ruka 6:13

Ngke e a ingabong, ao E weteia ana reirei ao E rineia tengauni ma uoman mai buakoia, ao E atongiia b'a taan tuatua, Aikai araia;

I-Rom 3:19

Ma ti ataia b'a b'aai ni kabane ake a koreaki taekaia n te Tua bon i bukiia te koraki ake a mena i aan te Tua, b'a a aonga n tukaki aomata nako b'a a na aki karaoi aia taeka aika a na reke aonaia iai, ao a na bane ni motikaki taekaia iroun te Atua.

Te Tua-Kaua 4:35

E tangiria te UEA b'a kam na ataia ae bon ti Ngaia te Atua ni koaua, ao E tangiringkami b'a kam na ongotaeka i Rouna. Ao bon anne bukina ngke E kaota nakoimi Ana kakai aika korakora, ao te ai ae uram'aaka i aon te aba, ao anne naba bukina ae kam ongo iai b'anaana man te ai ao mai karawa.

Iotua 24:15

Ngkana kam aki kan toro i rouna, ao kam na motika nanomi n te bong aei b'a antai ae kam na toro i rouna, antiia ami bakatibu ake i Metobotamia, ke antiia taian Amoraite ae kam maeka i abaia ngkai. B'a ngai ma au utu ti na toro iroun te UEA.”

1.Tamuera 7:3

Ao n te bong teuana, ao e tuangiia Iteraera Tamuera ni kaangai, “Ngkana kam bon kan rairaki nakon te UEA, ao kam na anganai kakoauaana, b'a kam na kanakoi atuaia ianena, ni ikotaki naba ma te atua te aine are Nei Atiterota. Rairaki nakon te UEA ma nanomi ni kabane ao taromauriia n ti Ngaia. Ao ane na kamaiungkami mairouia kaain Biritia.”