1.Uea 18:2 - Te B'aib'ara

² Ao E taku te UEA nakon Eria, “Naako kawara te uea are Aaba b'a N nang kab'aka te karau n te tai ae e aki maan.” Ma ngaia are, e a nako Eria ni kawara Aaba.

1.Uea 18:2 ပူးပေါင်းရင်းမြစ်များ

1.Uea 18:1

Ao e aki b'aka te karau i nanon tenua te ririki i aon Taamaria, ao e a moanna n tare te am'arake n taabo ni kabane.

1.Uea 18:3

Ao e riki Ob'aria b'a te tia tararua ana bareti Aaba n te tai anne, ma e bon kakaonimaki naba n taromauria te UEA.

2.Uea 1:4

Ko na tuangnga b'a ngkai e a tia ni karaoa aei, ao e nang reitinako wenena i aoni nnena ni matu ni karokoa matena! Ao e karaoi b'aai ake e tuangaki Eria.

2.Uea 6:25

Ao a reitanako buakanakina ni karokoa ae e a bon akea te am'arake i nanon te kaawa are e buubura arei. I bukin akean te am'arake, ao e a kabooaki atuun te aati n teuana te kirokuraem te tirewa, ao teuana te boora ae uarereke nakotarin te bitin n nimaua te m'akoro n tirewa.

Taian Areru 27:1

Bon ootau ma au tia kamaiu te UEA; Akea ae N na makua. Bon nneu ni kamanoai te UEA man taiani kanganga nako; N na bon aki maaku.

Taian Areru 51:4

I a tia ni bure nakoim n ti Ngkoe, Ao I a tia ni karaoa ae buakaka i matam. Ma ngaia ae Ko eti ni motikan taekau, Ao akea burem ni kabuakakaau n am Moti.

Taian Areru 56:5

A kariki kaangaanga nako iu aiau ni kabongnga; A aki toki ni kakaei aaro aika N na kabuanib'ai iai!

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Itaia 51:12

Bon te UEA Ngai, are E kaungaingkami. E aera ngkai kam maaka te aomata? A m'au ma ni mate kaanga te uteute.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Nakoaia Ibonga 26:26

E na aki bati kanami, n te aro ae tengaun aine a na kam'ai kanaia n ti teuana te ainumuum. Ngkami n tatabemaningkami nako a na tii reke kanami taamruru, ao ane kam na baki.