1.Uea 18:19 - Te B'aib'ara

¹⁹ Weteia aomata ni kabane i aon Iteraera ao tuangiia b'a a na kawarai i taubukin te Maunga are Karemera. Ao ko riai naba n kairiia ana burabeti B'aara ake 450 ao 400 ana burabeti Nei Aatera ake a am'am'arake n ana taibora Nei Ietebera.

1.Uea 18:19 ပူးပေါင်းရင်းမြစ်များ

1.Uea 15:13

E boni karaoa naba bannan Nei Aatera tibuna are Nei Maaka, ao e anaia Ata ni kabuokia n te M'arua are Kiteron. Ao i mwiina, e kab'aka tibuna man nnena are te ueanaine ae te tina.

1.Uea 16:33

ao e katea te atiibu ae e tabu i bukin taromaurian te anti te aine are Nei Aatera. E boni karaoi b'aai aika e na rangi n un iai te UEA ae Atuan Iteraera nakoia uea ake mai m'aaina.

1.Uea 18:20

Ao e bootia aomata Iteraera ni kabane Aaba, ao a nako ni kawara Eria i aon te Maunga are Karemera.

1.Uea 18:22

Ao e a manga reitanako ana taeka Eria man taku, bon ti ngai ana burabeti te UEA ikai, ma a m'aiti ana burabeti B'aara b'a 450.

1.Uea 22:6

Ao e weteia 400 burabeti ao e titirakiniia ni kaangai, “N na buakaniia kaain Turia i Ramota ke N na aki?” Ao a taku taiani burabeti, “Eng, ko na buakanna, ao E na buokiko te UEA ni kataenikaiia.?”

2.Uea 10:19

N nang anga ngkai te karea ae moan te korakora nako ina. Ma ngaia are, kam na kaoiia ana burabeti ao ana ibonga, ao kakoaua raoi b'a a na bane n roko ikekei taan taromauria B'aara. E na tiringaki ane e aki roko. Ma bon te m'akuri ni kam'ane te baei-b'a Ieu e bon iangoa tiringakiia taan taromauria B'aara.

2.Uea 13:6

Ma e a tia Ataera n urubekei ana b'ai ni buaka Iteraera ngke e kataenikaia n te aro are e tiku Ieoaati ma ti tebwiina ana kaanibuaka, nimangaun tautia ake a toka i aoia aoti, 10,000 tautia aika a bane aroia aika nikiraia ana tautia.

2.Uea 2:25

E tam'arakea te Maunga are Karemera, ao i mwiina e okira Taamaria.

2.Uea 3:13

ao e titirakina Ioram ni kaangai, “E aera ngkai kam nakomai? Naako taromauriia aia burabeti antiia Ianena are a taromauriaki irouia am karo.” Ao e taku Ioram, Ti na aki, ma bon te UEA ae e kaotinakoira nako ikai b'a ti aonga ni kataenikaiaki irouia aia taanga ni buaka kaain Moaaba.

2.Uea 9:22

Ao e titiraki Ieu ao e taku, “Tera rokom aei?” Ao e taku Ieu, “E na kangaa n reke te raoi? Tinam are Nei Ietebera boni ngaia ae e kairiia aomata nakon taromaurian bouananti ao karaoan m'akuri n tabunea.”

Neemia 5:17

I aki toki ni kakaam'arakeia tebubua nimangaun aika bon oin au aomata aika I-Iutaia ma aia taani kairiiri, n reitaki ma ianena ake a roko man aaba ake i rarikira.

Ana Anene Toromon 7:6

Ko botonaine, ko rangi ni b'arub'aruaki!

Ieremia 23:13

A rangi n ribaaki irou burabetin Tamaria, i bukina ngkai a kab'arab'ara n aran B'aara ao a kairiia nako aomata.

Ieremia 46:18

Aikubita, bon te Uea ni koaua Ngai, te UEA Ae Moan te M'aaka, ngkai bon iai Ngai a na rietaata i aom kairiribai akana a buakaniko kaanga te Maunga are Tabora i buakon taian tabuki ke te Maunga are Karemera i rarikin taari.

Amota 1:2

E taku Amota, “E bekorara te UEA man te maunga are Tion; E rurunga b'anaana mai Ierutarem. A rai tawaana nako, ao a b'ata uteuten te maunga are Karemera.”

Amota 9:3

Ngkana a karabaia i aon te maunga are Karemera, N na bon ukoriia naba ma n raweia. Ngkana a karabaia mai rou i aan taari, ao N na tuangiia ika ni kaakang b'a a na kaniia.

Iotua 19:26

Arammereke, Amata, Mitiara, ao e roko naba tian abaia are mai maeao i Karemera, ma Tiora-ribenata.

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

Te Kaotioti 19:20

Ao e tauaki te man are tiritiri, ma te burabeti ni kewe are karaoi kanikina i matana, ake e m'am'anaia iai te koraki ake a kanikinaeaki n ana kanikina te man are tiritiri, ma te koraki naba ake a taromauria te bouananti are karaoaki b'a katotongana. E teweaki nako te man are tiritiri ma te burabeti ni kewe, ngke e maiu, i nanon te nama are te ai are ura n te burimton.

Te Kaotioti 2:20

Ma iai te b'ai ae N na waeiko iai: b'a ko aki tuka te aine are Ietebera, are taku b'a te burabeti ngaia; ao e reireiia ni burebureia au toro b'a a na wene ni bure, ma ni kang kareani bouananti;

1.Tamuera 15:12

Ao e utim'aaka n te ingabong are i mwiina n nako ni maroroo ma Tauro. Ao e taku te aomata temanna nako ina, “E nako Karemera Tauro ao e karaoa iai te kanuringa b'a aonga aomata nako n ururinga ana tokanikai. Ao i mwiina, e na manga nako Kirekara.”