1.Uea 18:17 - Te B'aib'ara

¹⁷ ao ngke e nooria, ao e takaarua Aaba ni kaangai, “Ai boni ngkoe anne te tia kakiriwe i aon Iteraera. Ko rangi ni buakaka.”

1.Uea 18:17 ပူးပေါင်းရင်းမြစ်များ

1.Uea 18:16

Ao e nako Ob'aria ao e tuanga Aaba te tabo are e mena iai Eria. Ao e nako Aaba ni kawara Eria,

1.Uea 21:20

ao e taku Aaba, “Au kairiribai, I a reke raoi iroum ngkai.” Ao e taku Eria: Eng, ko a reke irou. Aaba, ko a tia ni kataia ni karaoi b'aai aika E aki kukurei te UEA iai.

Ieremia 38:4

Ma ngaia are, a m'ananga ni kawara te uea naake aman akekei ao a taku, “E na riai ni tiringaki Ieremia b'a e kab'arai nanoia tautian te kaawa aei ma aomata ni kabane, e kataia ni kakiriwei nanoia aomata.”

Amota 7:10

Ao e kanakoa te rongorongo Amatia are ibongan Betaera nakon uean Iteraera are Ieroboam ae e kaangai, “E kabuakakako Amota nakoia aomata. A rawawata a na taeka n te aro are a kiriwe nanoia aomata iai.

M'akuri 16:20

A kateia i mataia taani motiki-taeka, ao a kaangai, “A bati ni kakiriwea ara kaawa aomata aika I-Iutaia aikai,

M'akuri 17:6

Ao ngke a aki reke i rouia, ao a katika Iaton ma taari tabem'aang nakoia taan taua taekan te kaawa arei, ao a takarua ni kaangai, “A roko naba ikai uake a kakiriwe n taabo nako,

M'akuri 24:5

B'a ti kunea te aomata aei b'a e iowawa: e karika te kiriwe i buakoia I-Iutaia ni kabaneia i aon aaba nako, ao ngaia mataniwin te botaki ae a atongaki kaaina b'a Natarene;

Iotua 7:25

Ao e taku Iotua nakoina, “Bukin tera ngkai ko karika te kaangaanga nakoira? E nang karokoa te kaangaanga ae ab'ab'aki te UEA i aom!” Ao a bane ni karea Akan ma ana utu Aomatan Iteraera ni kamateia. Ao a kabuoki rab'ataia ma aia b'ai ni kabane.