1.Uea 18:12 - Te B'aib'ara

¹² Tera ngke E waekoa n anaiko Tamnein te UEA n te tai are I kitaniko naba iai? B'a ngkana e roko Aaba n anaiko ao ko na bon aki reke i rouna. Ao ane e na manga bon tiringai. I bon tataromauria te UEA mangke te ataeinim'aane ngai.

1.Uea 18:12 ပူးပေါင်းရင်းမြစ်များ

1.Uea 18:11

Ao ngkoe ko bon tangiria b'a N na tuangnga ae ko mena ikai?

2.Uea 2:11

Ao a tabe ni m'ananga ma n taetae nikawai ngke e a ti rina naba ni kaoti i marenaia te kaanibuaka ae e ura ae e katikitikaki irouia aoti aika a ura rab'ataia. Ao n te tai naba arei, ao e a roko te ang ae e korakora ni uotaarake rab'atan Eria nako karawa.

2.Uea 2:16

ao a taku, Bon iai iroura ikai m'aane aika a korakora aika nimangaun, taiaoka kanakoia b'a ana kakaaea am mataniwi. E na mena ngkoa ao E uotia nako Tamnein te UEA nakon taiani maunga ke taiani m'arua. Ao e taku Eritai, A na aki kakaaea. E na bon aki konaa n reke irouia.

2.Rongorongo 34:3

Ngke ai tib'a tebwi ma onoua ana ririki ni maiu Iotia ao e a moana taromaurian te Atua, n aron are e a tia ni karaoia ana bakatibu are Tawita. Aua te ririki i mwiina, e a baaireia b'a e na urui baangotan te aba i Iuta ao i Ierutarem, ao ai uana naba ma taian boua aika a tabu i bukin taromaurian te anti te aine are Nei Atera ao bouanantin antiia ianena.

Taian Areru 71:5

Te UEA ae ko tautaeka, e tiku au kaantaninga iroum; I mwioko iroum ma ngke te kairake ngai.

Taeka n Rabakau 8:13

Ngkana ko karinea te UEA, ao ko na ribaa te buakaka. I ribaa te kamoamoa ao te kainikatonga ao te kewe ni kam'aam'ane.

Te Minita 7:18

Kateimatoako i nuukan te kawai. Ko konaa ni karaoa aei ngkana ko karinea te Atua.

Itaia 50:10

Bon akea mairoumi ae e karinea te UEA ke n ongotaeka nakon ana tia m'akuri. Ko nakonako n te roo ao tiaki te oota; ko aki onimakina aran te UEA ae Atuam.

Etekiera 11:24

Ao i mwiin anne i nanoni miiu, E a tabekai rake Tamnein te UEA ao e uotai ni kaokai nakoia taenikai ake tekorakina i B'aburon. Ao e mauna nako te mii arei mairou,

Etekiera 37:1

Tabeua te tai i mwiina, I a manga namakina m'aakan te UEA b'a e niniai, ao E uotai nako Tamneina nakon te m'arua ae e onrake n taian rii.

Etekiera 8:3

E kaaenakoa te b'ai ae kaanga ai aron bain te aomata n taua irau. Ao i nanon miiu arei E a uotai rake Tamnein te UEA nako karawa ma ni uotai nako Ierutarem. E uotai te Tamnei nakon mataroan katawanangin te Tembora are i meaang ike e mena iai te bouannanti are e rangi n ribaia te UEA ao e rangi ni un iai.

Mataio 2:16

Ngke e ataia Erote b'a e a tia ni m'am'anaaki irouia taan rabakau, ao e rangi n un. E kanakoa ana taeka b'a a na bane n tiringaki ataei aika mm'aane i Betereem ma kaawa ake i rarikina ake kaka uoua aia ririki i bukina ngke e a tia n ataia mairouia taan rabakau b'a e a tia ni koro uoua te ririki man te tai are a moa n nora iai te itoi.

Mataio 4:1

E kairaki rake ngkanne Iesu iroun te Tamnei are Raoiroi nakon te rereua b'a E na kaririaki iroun te riaboro;

Ruka 1:15

b'a ane e na kakannato i matan te Uea, ao e na aki nima te wain ae kamanging ke mooi aika matoatoa, ao e na kaonaki n te Tamnei are Raoiroi, man te tai are e mena iai i nanon biroton tinana.

M'akuri 12:19

E kanakoa ana taeka Erote b'a e na kakaaeaki Betero; ma ngke e aki reke, ao e kananako b'a a na titirakinaki tautia, ao e tua b'a a na kairaki nako ni kamateaki. E wairio ngkanne Erote mai Iutaia nako Kaitareia, ao e tiku iai.

M'akuri 8:39

Ngke a aerake man te ran, ao E kairaki nako Biribo iroun Tamnein te UEA, ao e aki manga noria te iunaki, b'a e wakina kawaina ma te kim'areirei.

2.Timoteo 3:15

ao ko ataia b'a ma ngke te merimeri ngkoe ao ko a kaman ata te B'aib'ara ae tabu, b'a e kona ni kawanawanako ma ni kairiko nakon te kamaiuaki are reke n onimakinani Kristo Iesu.

1.Tamuera 16:2

Ao e taku Tamuera, “Ngkana I karaoa anne, ao e na ataia Tauro ao e na tiringai.” Ao e taku te UEA, “Uota te kao teteei, ao tuangiia aomata nako b'a ko roko b'a ko na anga karea nako Iu,

1.Tamuera 2:18

Ao e m'akuri Tamuera i bukin te UEA ao e karina i aona te kunnikai te rinen ae kaokoro

1.Tamuera 2:26

Ao e tabe n rikirake tangirakin Tamuera iroun te UEA ao ana aomata te UEA.