1.Uea 17:22 - Te B'aib'ara

²² Ao e kaekaa ana tataro Eria te UEA, ao e a reke iken te ataeinim'aane arei.

1.Uea 17:22 ပူးပေါင်းရင်းမြစ်များ

1.Uea 17:23

Ao e tabekia rake Eria ao e uotia rikaaki. Ao e anga te ataeinim'aane arei nakon tinana ao e taku, Nooria, E a maiu natim te m'aane.

2.Uea 13:21

N te tai teuana ngke a tabe n tauni aia mate Iteraera, ao a nooria te koraki n aomata aika kaain Moaaba. A kawaekoaia Iteraera akekei n tewenakoa rab'atan aia mate nako nanon ruanimaten Eritai ao a biri nako. Ao ni bon te tai naba are e bo iai rab'atan te m'aane arei ma riin Eritai, ao e a maiu naba te aomata arei, ao e teirake.

Ruka 7:14

Ao E kaaniia n riinga te bao are e uotaki iai te mate, ao a tei uake a uotia. Ao E taku Iesu, “Te roronga, I taku nako im, Tei rake!”

Ruka 8:54

Ma Iesu, E taua bain neierei ao E taku n te b'ana ae korakora, “Te teteeinaine, tei rake!”

Ioane 11:43

Ngke E a tia n atongi baikai, ao E kanenea b'anaana n takarua ni kaangai, “Rataro, oti nako!”

M'akuri 20:12

A kaira nako te roronga ngke e maiu, ao a bati ni kabebeteaki nanoia.

I-Rom 14:9

B'a E mate Kristo ao E a manga uti i bukin aei, b'a E aonga n riki b'a aia UEA ake a mate ma ake a maiu.

Te Tua-Kaua 32:39

Kam bon aki ataia? Bon ti Ngai te Atua; ao akea riki temanna; Bon Ngai ae I anaa te maiu ao I a manga kaokia. I katuaaingkami n te rawaawata. Ma N na kamaiungkami ngkai, ao bon akea ae kona ni katokai.

Ebera 11:35

a manga reke irouia aine aia koraki ake a tia ni mate ngke a a manga uti. Ao tem'angina a kataereaki ni karokoi mateia, ngke a rawa ni kani kainaomataki, b'a a aonga n reke i rouia te maiu ae raoiroi riki ngkana a manga uti.

Te Kaotioti 11:11

Ma i mwin tenua ma te iterana te bong ao e nako mairoun te Atua te ikeike-ni-maiu, ao e rin i nanoia; ao a teirake i aoni waeia, ao ake a tarataraia a rotaki n te maku ae korakora.

1.Tamuera 2:6

Ko anaa te maiu, ao ko anga te maiu. Ko kab'akaia aomata nako abaia maate ao Ko a manga kaokiia.