1.Uea 17:17 - Te B'aib'ara

¹⁷ Ao i mwiin tabeua te bong, ao e a aoraki natin te aine are ana auti te auti ao e rikirake ni korakora, ni karokoa e boni mate.

1.Uea 17:17 ပူးပေါင်းရင်းမြစ်များ

1.Uea 17:16

Ao E kaawakina ana Berita te UEA are e karaoia Ana burabeti are Eria, ao e bon aki roko n te bane ana buraawa ke ana b'atoro n oera neierei.

1.Uea 17:18

Ao e takaarua neierei nakon Eria ni kaangai, Tera ae I a tia ni karaoia nakoim ae e kaairua? I taku ngai b'a Ana burabeti te Atua ngkoe. Ko bon roko b'a ko na tiringa natiu te m'aane, b'a kauringaakiu n au bure nakon te Atua?

Iobi 12:10

Bon te Atua ae kairi maiuia Ana karikib'ai, a bane ni mena maiuia aomata i nanon m'aakana.

Iobi 34:14

Ngkana E a manga anaa te ikeike ni maiu te Atua are E a tia n anga,

Taian Areru 104:29

A maaku ngkana Ko tan nako; A mate ngkana Ko motiki ikeia, Ao a manga okira te tano are a nako mai iai.

Taniera 5:23

Ko kakaitaraa UEAN karawa ngke ko uoti m'angko, ma taiani boora ake a anaaki man ana Tembora. Ao ko mooi mai iai ngkoe ma am taani iango, ma buum, ao buum ni kewe, ao kam kamoamoaia anti ake a karaoaki man taiani koora, tirewa, buraati, biiti, taiani kai, ao atiibu, anti aika a aki noraaba ao a aki konaa naba ni kakauongo, ao a bon aki ataa te b'ai teuana. Ao kam aki karinea te Atua ae e mena maiumi i nanoni baina, ao E bairei b'aai ni kabane aika kam karaoi.

Tekaria 12:10

Boni Ngai ae te UEA ae N na karaoa ana kariki Tawita ma kaain Ierutarem b'a a na rangi n nanokawaki ao a na tataro ngkana a noora te aomata are e ewaraki n te kainiwai. A na tang ma n tanginiwenei i bukina, kaanga kaaro aika a tang i bukin maten natiia te rikitemanna ke aia karimoa.

Ioane 11:14

Ma ngaia are, E katereterea raoi nakoia Iesu ao E taku, “E a mate Rataro;

Iakobo 1:12

E a kab'aia te aomata ae teimatoa i buakon te kaririaki; b'a ngkana e a tia ni kataaki, ao e na reke i rouna te bau are te maiu, are E atongnga te Uea b'a aia b'ai akana tangiria.

Iakobo 2:26

B'a aron te rab'ata b'a e mate ngkana akea te tamnei, ao ai aron naba te onimaki b'a e mate ngkana akea te m'akuri.

1.Betero 1:7

b'a e aonga n riki kataan ami onimaki, ae kakawaki riki nakon te koora ae kai mauna are e boni kataaki naba n te ai b'a ua ra, b'a kamoamoami ma neboami ma karineami ngkana E a manga oki Iesu Kristo,

1.Betero 4:12

Ngkami aika kam tangiraki, kam na tai mimi n te b'ainikirinaki ae korakora ae kam taonaki iai ma ni kataaki iai, b'a aongkoa te b'ai ni kamimii ae riki nakoimi;